03:27 14 чэрвеня 2021
«Радыё Sputnik»
  • USD2.48
  • EUR3.02
  • 100 RUB3.46
Грамадства
Атрымаць кароткую спасылку
1610

Ніякай дэзарыентацыі ў школах з-за новага часу пачатку заняткаў быць не павінна, упэўнены чыноўнікі.

МІНСК, 28 жні — Sputnik. Дзяцей можна будзе прыводзіць у школы да васьмай гадзіны раніцы — да пачатку урокаў з імі будуць працаваць дзяжурныя педагогі, заявіла ў панядзелак журналістам намеснік начальніка ўпраўлення агульнай сярэдняй адукацыі Мінадукацыі Ірына Каржова.

Пасля патрабаванні прэзідэнта Беларусі Аляксандра Лукашэнкі пачынаць школьныя ўрокі з дзевятай гадзіны раніцы значная колькасць беларускіх школ перагледзела час пачатку заняткаў. Установы адукацыі з адной зменай будуць пачынаць ўрокі з дзевяці, з двума — не раней 8.30. У ведамстве запэўніваюць, што рашэнні аб гэтым прымалі ў адміністрацыях школ на аснове агульных рэкамендацый.

"Да пачатку гэтага навучальнага года было рэкамендавана мясцовым органам улады яшчэ раз прааналізаваць пачатак навучальнага дня ў школах і прадугледзець час пачатку вучэбных заняткаў, максімальна адпавядаючы санітарным нормам і правілам. Расклад вучэбных заняткаў зацвярджаюць кіраўнікі ўстаноў адукацыі сумесна з бацькоўскай грамадскасцю", — падкрэсліла Каржова.

Па словах прадстаўніцы ведамства, у любым выпадку павінна быць ўлічана спецыфіка рэгіёну і працы ўстановы адукацыі. "Ніякай дэзарыентацыі ў школах быць не павінна", — падкрэсліла Каржова.

Аднак школы будуць адкрыты ўжо з васьмі гадзін раніцы — бацькі змогуць пакідаць дзяцей пры неабходнасці на дзяжурных педагогаў.

Як распавялі чыноўнікі, з дзецьмі будуць арганізаваны спецыяльныя заняткі з настаўнікамі, класнымі кіраўнікамі або псіхолагамі. Таксама з улікам спецыфікі часу пачатку урокаў будуць карэктаваць сваю працу гурткі, секцыі і цэнтры дадатковай адукацыі.

Другая змена павінна пачынацца ў школах Беларусі не пазней за дзве гадзіны дня, а завяршацца — не пазней за палову восьмага вечара.

Тэги:
начало уроков, школа, Міністэрства адукацыі РБ, Беларусь

Галоўныя тэмы