06:32 13 снежня 2018
«Радыё Sputnik»
  • USD2.13
  • EUR2.41
  • 100 RUB3.20
Крэўскі замак у музеі архітэктурных мініяцюр

Валанцёрам прапануюць далучыцца да раскопак у Крэве

© Photo : Сергей Балай, БелаПАН
Грамадства
Атрымаць кароткую спасылку
2920

Удзельнікам археалагічнага летніку прапануюць бясплатнае пражыванне і разнастайную культурную праграму ў наваколлі Крэўскага замка.

МІНСК, 5 чэр — Sputnik. Археалагічны летнік у Крэве ў гэтым годзе пройдзе з 4 па 18 ліпеня, паведамілі ў мясцовым дабрачынным фондзе  "Крэўскі замак".

Арганізатары запрашаюць валанцёраў і ўсіх жадаючых далучыцца да раскопак і адкрыць свету чарговыя невядомыя старонкі гісторыі паселішча.

Акрамя непасрэдна працы на раскопках удзельнікаў чакаюць бясплатнае пражыванне і разнастайная культурная праграма. Жыць яны будуць у намётавым гарадку. Каб далучыцца да праекта, дастаткова запоўніць анкету валанцёра.

Раскопкі на Крэўскім замку і навакольных аб'ектах праводзяцца з 2004 года. Прадстаўнікі фонда падкрэслілі, што, нягледзячы на паўтыра сотні гадоў вывучэння Крэва, у гісторыі гэтых мясцінаў яшчэ застаецца шмат невядомых старонак.

Менавіта таму з гэтага года фонд пачынае выпускаць штогадовы альманах "KREVA INСOGNITA", у якім будзе сабраная ўся актуальная інфармацыя пра апошнія вынікі даследванняў паселішча. Выхад першага нумару запланаваны на пачатак чэрвеня 2018 года.

Тэги:
археалагічныя раскопкі, Крэва, Беларусь

Галоўныя тэмы