19:57 20 кастрычніка 2018
«Радыё Sputnik»
  • USD2.11
  • EUR2.42
  • 100 RUB3.21
Школьнікі на перапынку, архіўнае фота

Гімназіям дазволілі вучыцца ў другую змену

© Sputnik / Виталий Аньков
Грамадства
Атрымаць кароткую спасылку
6 0 0

Заканчвацца заняткі ў другую змену, згодна з заканадаўствам, павінны да 19:30 вечара.

МІНСК, 13 чэр — Sputnik. Заняткі ў другую змену дазволілі праводзіць у беларускіх гімназіях, адпаведная норма замацаваная ў зменах санітарных норм для ўстаноў агульнай сярэдняй адукацыі.

Гімназіі ў Беларусі раней не маглі вучыцца ў другую змену — паколькі нагрузка ў іх была большай, чым у агульнаадукацыйных школах, падобнае забаранялі санітарныя правілы. Цяпер, пасля ліквідацыі розніцы ў праграмах паміж гімназіямі і школамі, зменены і патрабаванні да арганізацыі навучальнага працэсу.

Так, Міністэрства аховы здароўя ўнесла змены ў саннормы "Патрабаванні для ўстаноў агульнай сярэдняй адукацыі". Цяпер у гімназіях, ліцэях, сувораўскіх і кадэцкіх вучылішчах, а таксама каледжах мастацтваў дазволена праводзіць заняткі ў другую змену.

Дазволена другая змена для вучняў першых, другіх, пятых і 9-11 класаў, а таксама восьмых — калі там асобныя вучэбныя прадметы вывучаюцца на павышаным узроўні. Магчыма такое і ў шостых-сёмых класах з павышаным узроўнем вывучэння прадмета, аднак тады адміністрацыя павінна ўзгадніць гэта з мясцовымі ўладамі і цэнтрамі гігіены.

Для вучняў пятых-восьмых класаў школ максімальна дапушчальную тыднёвую нагрузку дазволілі павялічваць на гадзіну — для факультатываў. Раней такое было дазволена толькі для гімназій.

Навучальныя заняткі ў першую змену павінны пачынацца не раней васьмі раніцы, аптымальна — у дзевяць. У другую змену ўрокі павінны пачынацца не пазней за дзве гадзіны дня і заканчвацца да паловы восьмага вечара.

По теме

Мінгарвыканкам папрасіў не ствараць ажыятаж пры выбары гімназіі
Лівянт: у чэрвені нас чакаюць канфлікты у кожнай гімназіі
Іспыты ў гімназіі захаваюць, але толькі ў старшыя класы
Тэги:
адукацыя, гімназія, Міністэрства адукацыі РБ, Беларусь
Правілы карыстанняКаментары

Галоўныя тэмы