10:07 20 ліпеня 2018
«Радыё Sputnik»
  • USD2.00
  • EUR2.32
  • 100 RUB3.15
Пасяджэнне Савета Рэспублікі, архіўнае фота

Савет Рэспублікі ўхваліў папраўкі ў закон аб СМІ

© Sputnik / Виктор Толочко
Грамадства
Атрымаць кароткую спасылку
910

Па словах міністра інфармацыі, палажэнні дакумента накіраваны на ўдасканаленне праваадносінаў у інтэрнэце.

МІНСК, 29 чэр — Sputnik. Савет Рэспублікі ўхваліў праект закона Беларусі "Аб унясенні змяненняў і дапаўненняў у некаторыя законы Рэспублікі Беларусі", ён быў накіраваны на ўдасканаленне праваадносінаў у медыясферы.

Законапраект на пасяджэнні прадставіў міністр інфармацыі Аляксандр Карлюкевіч. Паводле яго слоў, папраўкі ў закон аб СМІ ўступяць ў сілу з 1 снежня, за выключэннем нормаў, якія ўступяць у сілу пасля афіцыйнага апублікавання абноўленага закона.

Змены ў закон аб СМІ былі прынятыя дэпутатамі Палаты прадстаўнікоў у першым чытанні ў красавіку. Да другога чытання ў дакумент былі ўнесены праўкі: удакладнены шэраг тэрмінаў, канкрэтызаваны парадак дзяржрэгістрацыі і перарэгістрацыі, удакладнены падставы для адмовы ў гэтым, удакладнены правы і абавязкі ўладальніка інтэрнэт-рэсурса, а таксама ўстаноўлены парадак абскарджвання рашэнняў аб абмежаванні доступу да інтэрнет-рэсурса.

Міністр інфармацыі таксама заявіў, што палажэнні дакумента накіраваны на ўдасканаленне праваадносінаў у інтэрнэце.

Раней папраўкі ў закон аб СМІ прынялі дэпутаты Палаты прадстаўнікоў Нацыянальнага сходу РБ у другім чытанні. Пасля гэтага ўхваліць новаўвядзенні павінна была верхняя палата парламента. Затым дакумент накіруюць для подпісу прэзідэнта Беларусі Аляксандра Лукашэнкі.

Тэги:
СМІ, Законатворчасць, Беларусь
Правілы карыстанняКаментары

Галоўныя тэмы