11:52 19 кастрычніка 2018
«Радыё Sputnik»
  • USD2.11
  • EUR2.43
  • 100 RUB3.22
Абітурыенты

Мінадукацыі прызналася, што ЦТ-2018 ацэньвалі па новай сістэме

© Sputnik / Алексей Мальгавко
Грамадства
Атрымаць кароткую спасылку
Уступная кампанія 2018: апошнія навіны (56)
2310

Пра тое, што пры ацэнцы цэнтралізаванага тэсціравання была апрабавана новая сістэма, стала вядома толькі пасля завяршэння ўступнай кампаніі.

МІНСК, 8 жні — Sputnik. Міністэрства адукацыі ў гэтым годзе апрабоўвала новую сістэму ацэнкі цэнтралiзаванага тэсцiравання, паведаміў кіраўнік ведамства Ігар Карпенка.

Цэнтралізаванае тэсціраванне прайшло ў Беларусі ў чэрвені гэтага года. Пасля атрымання вынікаў ЦТ многія рэпетытары і бацькі задаліся пытаннем: ці не змянілася сістэма ацэнкі?

Адпаведнае пытанне задалі і кіраўніку Мінадукацыі: як так выйшла, што некаторыя абітурыенты, якія не рашылі, напрыклад, толькі заданне Б12, набіралі 97 балаў, а іншыя, такія ж, — 96?

"На жаль, няма ідэальных сістэм. Для некаторых выпускнікоў, іх бацькоў і настаўнікаў было незразумела, як з васьмёркай па матэматыцы ў школе тэст пішуць на 40 балаў. Таму разам з сістэмай канцэптуальнага ранжыравання, якая выбудоўвае рэйтынг кожнага, хто здае тэст, у дачыненні да астатніх абітурыентаў, у гэтым годзе мы апрабавалі іншую сістэму ацэнкі, якая больш блізкая да школьнай", — адзначыў Карпенка у інтэрв'ю "СБ".

Міністр расказаў больш падрабязна аб новай сістэме: кожнаму заданню пры правільным выкананні пастаўлена адзін або некалькі балаў. Ён адзначыў, што інфармацыя будзе вядомая абітурыентам да пачатку ЦТ, што зробіць працэдуру больш адкрытай і празрыстай.

"Калі завершыцца ўся ўступная кампанія, мы абмяркуем вынікі апрабацыі, і, магчыма, ужо з наступнага года будзе прымяняцца менавіта новая сістэма ацэнкі", — дадаў міністр.

Новую сістэму апрабавалі на ўсіх абітурыентах, ці толькі на частцы, кіраўнік ведамства не ўдакладніў.

Тэмы:
Уступная кампанія 2018: апошнія навіны (56)
Тэги:
Уступная кампанія, Міністэрства адукацыі РБ, Ігар Карпенка, Беларусь
Правілы карыстанняКаментары

Галоўныя тэмы