18:50 16 лістапада 2018
«Радыё Sputnik»
  • USD2.11
  • EUR2.40
  • 100 RUB3.20
Мядовы Спас у Студзянцы

Фотафакт: на Любаншчыне адсвяткавалі Мядовы Спас

© Photo: Альфрэд Мікус
Грамадства
Атрымаць кароткую спасылку
2710

Мясцовыя жыхары здейснілі падарожжа да святой крыніцы, дзе асвяцілі ваду і прынесены з сабою мёд.

МІНСК, 15 жні — Sputnik. На Мядовы Спас вернікі з вёсак Даросіна і Радуга Любанскага раёна адправіліся да святой крыніцы ва ўрочышчы Студзянец.

Людзі вераці: вада ў гэтым месцы вылечвае любыя хваробы толькі ў тым выпадку, калі ўвесь шлях сюды прайсці пешшу.  

Святкаванне пачалося з ранішняй службы ў храме Праабражэння Гасподняга, пабудаваным тут у XIX стагоддзі. Вернікі з абразам Божай Маці хросным ходам прайшлі вакол храма. Кожны з іх павінен быў тройчы падайсці да абараза, схіліць калені, прайсці пад ёй і папрасіць здароўя.

Храм Праабражэння Гасподняга ва ўрочышчы Студзянец
Храм Праабражэння Гасподняга ва ўрочышчы Студзянец

Толькі пасля гэтага ўдзельнікі працэсіі змаглі адправіцца да святой крыніцы.

Мядовы Спас у Студзянцы
Мядовы Спас у Студзянцы

З яе з'яўленнем звязаны дзве легенды. Па адной, мясцовы пастушок адпачываў пад дрэвам, калі да яго ў сне прыйшла Божая Маці і распавяла пра месца, дзе можна наталіць смагу. Хлопчык прачнуўся і са здзіўленнем убачыў там крынічку.

Таксама ў народзе кажуць пра аратага, які прылёг адпачыць каля вялікага камня і праз некалькі хвілін пачуў чыйсці голас. Невядомы загадаў устаць і прыбраць камень, на месцы якога з'явілася крыніца.

Зараз лічыцца, што гэтыя мясціны абараняе сама Божая Маці. Менавіта таму кожны год сюды прыходзяць людзі са сваімі бедамі і хваробамі. Вернікаў не палохае адлегласць у шэсць кіламетраў, якую прыходзіцца адолець, каб дакрануцца да цудадзейных кропель.

Мядовы Спас у Студзянцы
Мядовы Спас у Студзянцы

Знаходзяцца ў гэтых мясцінах 12 крыжоў, якія мясцовыя жыхары на святы ўпрыгожваюць стужкамі і такім чынам просяць у Божай Маці здароўя. Так было і на Мядовы Спас. Каля крыніцы святар правёў малебен і асвяціў ваду ў калодзежы і прынесены вернікамі мёд.

Мядовы Спас у Студзянцы
Мядовы Спас у Студзянцы
Мядовы Спас у Студзянцы
Мядовы Спас у Студзянцы

Пасля цырымоніі вернікі па старадаўняй традыцыі сабраліся на святочны абед, галоўнай стравай на якім з'яўляецца макавая поліўка і мёд новага збору.

По теме

Фотафакт: паломніцтва на Макавей да Блакітнай крыніцы
Праваслаўныя хрысціяне пакланіліся крыжу і асвяцілі мёд
З танцамі ды пачастункамі: як Мядовы Спас у Альбуці сустракалі
Спас – усім работам час: прыкметы і традыцыі мядовага свята
Тэги:
Мядовы Спас, Мінская вобласць
Правілы карыстанняКаментары

Галоўныя тэмы