17:06 17 студзеня 2019
«Радыё Sputnik»
  • USD2.15
  • EUR2.45
  • 100 RUB3.24
Лукашэнка пракаменціравў забароны канцэртаў рэпераў

Лукашэнка пракаменціраваў забароны канцэртаў рэпераў

CC0 / Pixabay / StockSnap
Грамадства
Атрымаць кароткую спасылку
14 0 0

Беларускі лідар упэўнены, што забароны часцей за ўсё даюць зваротны эфект, калі пачынаюцца забаронныя меры, значыць "ты ўжо спазніўся".

МІНСК, 14 сне - Sputnik. Прэзідэнт Беларусі Аляксандр Лукашэнка ўпэўнены, што забароны ні да чаго добрага не прыводзяць. Пра гэта ён заявіў на прэс-канферэнцыі для расійскіх рэгіянальных СМІ, адказваючы на ​​пытанне пра забарону выступу рэперскай групы.

"Не ўчора жа мацюкацца пачалі. Як толькі быў вымаўлены мат на сцэне і ў эфіры, вось тады трэба было за гэта ўхапіцца (і забараніць - Sputnik)", - сказаў беларускі прэзідэнт.

А калі пачынаюцца забароны, то "ты ўжо спазніўся", - лічыць Лукашэнка.

У кантэксце дадзенай тэмы беларускі лідар нагадаў увядзенне ў гарбачоўскія часы забароны на алкаголь, што дало адваротны эфект. Паводле слоў беларускага лідара, у тыя часы партыйцы "квасілі на камсамольскіх святах".

У апошнія некалькі тыдняў у расійскіх рэгіёнах быў адменены шэраг канцэртаў сучасных выканаўцаў, у прыватнасці рэпераў Хаскі (Дзмітрый Кузняцоў) і Элджэя (Аляксей Узенюк), гуртоў IC3PEAK і "Френдзона". Расійскія рэпэры Баста (Васіль Вакуленка), Oxxxymiron (Мірон Фёдараў) і Noize MC (Ян Аляксееў) далі канцэрт "Я буду спяваць сваю музыку" у падтрымку Хаскі.

У чацвер беларускія чыноўнікі забаранілі канцэрт расійскага гурта IC3PEAK: адмена канцэрту ўпраўленнем культуры Мінгарвыканкама ў лісце за подпісам Валянціны Рудзікавай матывуецца п. 3 арт. 215 Кодэкса аб культуры, г.зн. мастсавет па культурна-відовішчных мерапрыемствах прызнаў нізкім узровень музыкі IC3PEAK. Раней у сталіцы па гэтай жа прычыне не змаглі выступіць рэпэры Face і Элджэй, а таксама дуэт АИГЕЛ з Татарстана.

Тэги:
Аляксандр Лукашэнка, канцэрт, рэп

Галоўныя тэмы