02:59 16 ліпеня 2019
«Радыё Sputnik»
  • USD2.03
  • EUR2.29
  • 100 RUB3.23
Прызыўнікі - адпраўка на вайсковую службу

"Закон аб адтэрміноўцы" прыняты ў другім чытанні

© Photo : Сергей Сацюк / БелаПАН
Грамадства
Атрымаць кароткую спасылку
1010

Выдадзеныя раней адтэрміноўкі адмяняць ніхто не будзе, аднак неўзабаве іх будуць выдаваць толькі раз.

МІНСК, 28 чэр - Sputnik. Палата прадстаўнікоў Беларусі прыняла ў другім чытанні папраўкі ў законы па пытаннях эфектыўнага функцыянавання ваеннай арганізацыі дзяржавы.

Законапраект, які змяняе парадак прадастаўлення адтэрміновак ад службы ў войску на адукацыю, быў унесены ў Палату прадстаўнікоў на гэтым тыдні. Ужо ў сераду законапраект прайшоў першае чытанне - большасць парламентарыяў яго падтрымалі.

На заключным пасяджэнні вясновай сесіі парламентарыі разгледзелі законапраект у другім чытанні. За дакумент прагаласавалі 85 дэпутатаў, дзевяць выказаліся супраць.

Ужо ў пятніцу разгледзіць законапраект і Савет Рэспублікі. Затым ён адправіцца на подпіс да прэзідэнта, а ў сілу уступіць праз дзесяць дзён пасля афіцыйнага апублікавання - магчыма, ужо да пачатку восеньскага прызыву.

Згодна з законапраектам, прадастаўляць адтэрміноўку на адукацыю цяпер будуць толькі адзін раз. Аднак падкрэсліваецца: ужо атрыманыя адтэрміноўкі не адменяць, а пры жаданні працягваць вучобу на час службы малады чалавек зможа браць акадэмічны адпачынак.

Таксама законапраект уводзіць абмежаванні на прыём на працу ў шэраг сілавых структур тых грамадзян, якія не служылі без законных падстаў. Змяняецца і парадак абмежавання выезду ўхілістаў за мяжу. Таксама скарочаны тэрмін магчымага абскарджання рашэння ваенкаматаў - калі раней ён складаў месяц, то цяпер будзе ўсяго сем дзён.

Тэги:
Міністэрства абароны РБ, Беларусь

Галоўныя тэмы