22:41 29 лістапада 2020
«Радыё Sputnik»
  • USD2.58
  • EUR3.08
  • 100 RUB3.41
Грамадства
Атрымаць кароткую спасылку
1610

Прэзідэнт даручыў развіваць інфраструктуру рэгіёнаў, каб маладыя спецыялісты і пасля адпрацоўкі размеркавання захацелі застацца на сваім першым працоўным месцы.

МІНСК, 13 сне - Sputnik. Профільным міністэрствам даручана зрабіць рэгіёны прывабнымі для маладых спецыялістаў-медыкаў, пра гэта заявіў прэзідэнт Аляксандр Лукашэнка ў ходзе наведвання ў аўторак Беларускага дзяржаўнага медуніверсітэта.

Кіраўнік дзяржавы нагадаў, што Беларусь у адрозненне ад іншых краін СНД захавала традыцыю размеркавання студэнтаў бюджэтнікаў, і медыцынскія ВНУ лідары па размеркаванні выпускнікоў, адзначыў ён.

"Наладжана сістэмная праца з выпускнікамі медыцынскіх універсітэтаў, у якой удзельнічаюць прадстаўнікі органаў мясцовай улады і патэнцыйныя наймальнікі. Не менш важныя маніторынг замацавання і адаптацыі маладых спецыялістаў на першым працоўным месцы", - сказаў Лукашэнка на сустрэчы са студэнтамі і выкладчыкамі медыцынскіх універсітэтаў, яго словы прыводзіць БелТА.

Ён даручыў падтрымліваць маладых спецыялістаў у рэгіёнах і прывёў статыстыку - кожны чацвёрты з іх сёння мае патрэбу ў жыллі. Лукашэнка даручыў Міністэрству аховы здароўя і мясцовым органам улады звярнуць асаблівую ўвагу на мадэрнізацыю інтэрнатаў, а таксама будаваць новае жыллё.

"Недапушчальна сяліць маладых спецыялістаў у старыя дамы і кватэры", - падкрэсліў прэзідэнт і запатрабаваў палепшыць інфраструктуру раёнаў, каб малады ўрач і пасля адпрацоўкі размеркавання захацеў застацца на сваім першым працоўным месцы.

Профільным міністэрствам неабходна прымаць рашэнне аб фарміраванні колькасці месцаў для навучання ў медыцынскіх ВНУ зыходзячы з патрэбы кожнага рэгіёну, распавёў прэзідэнт Беларусі Аляксандр. Ён адзначае, што часам нават замежныя студэнты жадаюць застацца ў Беларусі і працягнуць сваю кар'еру тут.

Тэги:
Медыцына і здароўе, БДМУ, Аляксандр Лукашэнка

Галоўныя тэмы