11:47 26 лістапада 2020
«Радыё Sputnik»
  • USD2.56
  • EUR3.04
  • 100 RUB3.39
Грамадства
Атрымаць кароткую спасылку
Каронавірус COVID-19 (923)
30 0 0

Так, асобы, якія прыбылі ў Беларусь з краін, дзе рэгіструюцца выпадкі інфекцыі COVID-19, на працягу двух тыдняў павінны знаходзіцца ў самаізаляцыі.

МІНСК, 26 сак - Sputnik. Меры, накіраваныя на тое, каб прадухіліць завоз і распаўсюджванне інфекцыі, выкліканай каронавірусам COVID-19, вызначаны ў Беларусі, пра гэта паведамілі ў прэс-службе Саўміна Беларусі ў чацвер.

Гэтыя меры рэгламентуе адпаведная пастанова Савета Міністраў ад №171 ад 25 сакавіка 2020 года.

"Дакумент прыняты ў мэтах зніжэння рызыкі распаўсюджвання ў Рэспубліцы Беларусь інфекцыі COVID-19 і ўпарадкавання транзітных аўтамабільных перавозак грузаў па тэрыторыі дзяржавы", - адзначылі ў прэс-службе ўрада.

У прыватнасці, устаноўлена, што асобы, якія прыбылі ў Беларусь з краін, дзе рэгіструюцца выпадкі каронавіруса, на працягу 14 каляндарных дзён з дня прыбыцця павінны знаходзіцца ў самаізаляцыі дома, а да сканчэння гэтага тэрміну не могуць паўторна перасякаць мяжу Беларусі. Правілы паводзінаў асоб у самаізаляцыі вызначаюцца Міністэрствам аховы здароўя, а парадак узаемадзеяння органаў дзяржкіравання і іншых арганізацый па забеспячэнні выканання мер самаізаляцыі - сумесна Міністэрствам аховы здароўя, МУС і ГПК.

Выключэнні:

  • кіраўнікі і члены афіцыйных дэлегацый, супрацоўнікі дыппрадстаўніцтваў, консульстваў замежных дзяржаў у нашай краіне і акрэдытаваных па сумяшчальніцтву з рэзідэнцыямі ў іншых краінах, міжнародных арганізацый і іх прадстаўніцтваў у Беларусі, а таксама члены іх сем'яў.
  • вадзіцелі транспартных сродкаў, якія выконваюць міжнародныя аўтаперавозкі грузаў, члены экіпажаў паветраных судоў, судоў унутранага воднага транспарту, цягніковых брыгад, лакаматыўных брыгад міжнародных чыгуначных зносін,
  • замежнікі, што ідуць транзітам праз Беларусь, вяртаючыся на радзіму.

Кіроўцам: суткі на транзіт і забарона пакідаць пункт прыпынку

Згодна з пастановай, вадзіцелі, якія выконваюць транзітныя аўтамабільныя перавозкі грузаў праз Беларусь (у тым ліку з Расіі ў дзяржавы Еўрасаюза і Украіну), паміж двума пунктамі перасячэння мяжы Беларусі ў спецыяльна вызначаных месцах абавязаны праязджаць толькі па рэспубліканскіх дарогах, на якіх магчымая прыпынак для адпачынку і харчавання, запраўкі згодна з зацверджаным гэтай жа пастановай пералікам дарог і спецыялізаваных месцаў.

"Кіроўцы, якія выконваюць транзітныя перавозкі, абавязаны пакінуць тэрыторыю Беларусі па самым кароткім маршруце не пазней за дзень, якi iдзе за днём уезду на яе тэрыторыю, за выключэннем выпадкаў, калі немагчымасць выканання названага тэрміну абумоўлена аварыяй транспартнага сродку, а таксама разгрузкай, перагрузкай (перевалкой) грузу, заменай транспартнага сродку, калі гэта прадугледжана ўмовамі дагавора", - удакладнілі ў Саўміне.

Ва ўказаным выпадку дапускаецца адхіленне ад рэспубліканскай аўтадарогі, аднак аперацыі павінны быць ажыццёўлены ў мінімальныя тэрміны. Падчас прыпынку кіроўцы не могуць пакідаць тэрыторыю пунктаў прыпынку.

Тэмы:
Каронавірус COVID-19 (923)
Тэги:
Савет міністраў РБ, Беларусь, каронавірус

Галоўныя тэмы