Урач распавяла, калі захворванне COVID-19 у Беларусі пачне зніжацца

© Sputnik / Виктор Толочко / Перайсці ў медыябанкЖыхары Мінска ідуць па вуліцы ў ахоўных масках
Жыхары Мінска ідуць па вуліцы ў ахоўных масках - Sputnik Беларусь
Падпісацца
Ужо сёння назіраецца зніжэнне захворвання каронавіруснай інфекцыяй у Віцебскім рэгіёне, распавяла намеснік галоўнага ўрача рэспубліканскага цэнтра.

МІНСК, 6 мая - Sputnik. Захворванне каронавірусам будзе устойліва зніжацца ў Беларусі прыкладна праз месяц, такое меркаванне ў эфіры тэлеканала "Беларусь 1" выказала намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Ірына Глінская.

Людзі ў ахоўных масках у Мінску - Sputnik Беларусь
Урад абнавіў правілы самаізаляцыі для беларусаў з каронавірусам

За апошнія дні колькасць выяўленых выпадкаў каронавіруса ў Беларусі стабілізавалася на ўзроўні 700-900 штодня. Паводле слоў Глінскай, ужо назіраецца зніжэнне захворвання ў Віцебскім рэгіёне.

"Мяркуем, што недзе праз месяц, магчыма, да канца гэтага месяца мы выйдзем на ўстойлівае зніжэнне захворвання, і тады ўжо можна будзе казаць пра нейкія наступныя прагнозы", - выказалася Глінская.

Як падкрэсліла медык, прагноз беларускіх спецыялістаў практычна апраўдваецца.

"Мы зрабілі гэты прагноз. Улічвалася эпідэміялагічная мадэль, у яе распрацоўцы ўдзельнічалі розныя спецыялісты.

Таму што гэта стык спецыяльнасцяў - эпідэміёлагаў, вірусолагаў, інфекцыяністаў. Улічваліся зусім розныя параметры: сярэдні інкубацыйны перыяд каронавіруса, розныя мадэлі, як можа развівацца сітуацыя. Безумоўна, прымалі пад увагу і нейкія пэўныя сацыяльныя асаблівасці, разумеючы, што ў тыя ж выхадныя дні рэкамендацыі Міністэрства аховы здароўя па сацыяльным дыстанцыяванні насельніцтва ўсё ж такі не так дакладна выконвае, як у працоўныя дні", - патлумачыла Глінская.

Прагноз з моманту яго стварэння, адзначыла прадстаўнік Рэспубліканскага цэнтра, апраўдваецца амаль у поўнай меры. Толькі ў апошнія паўтара тыдня назіраецца "зрух" на адзін дзень.

Глінская мяркуе, што меры, якія прымаюцца ў Беларусі супраць каронавіруса, эфектыўныя. "Яны працуюць і дазваляюць нам папярэдзіць даволі вялікую колькасць выпадкаў захворвання, не дапусціць іх лавінападобнага росту", - сказала на заканчэнне медык.

Нагадаем, па дадзеных Міністэрства аховы здароўя на 5 мая ў рэспубліцы было зарэгістравана амаль 18,5 тысячы выпадкаў каронавіруса, больш за тры тысячы чалавек ужо паправіліся, 107 - памерлі.

Стужка навiн
0