МІНСК, 24 сту – Sputnik. Узровень смяротнасці з-за "брытанскага" штама каронавіруснай інфекцыі можна звязаць з перагрузкай сістэмы аховы здароўя, заявіла кіраўнік тэхнічнай групы падраздзялення надзвычайных захворванняў Сусветнай арганізацыі аховы здароўя (СААЗ) Марыя Ван Керкхове падчас брыфінгу.
Брытанскі прэм'ер-міністр Барыс Джонсан напярэдадні заявіў, што новы штам COVID-19, знойдзены ў Вялікабрытаніі, на 30% больш смяротны, чым раней вядомы, і да 70% больш заразны.
Бальніцы не спраўляюцца з патокам пацыентаў, з гэтай прычыны казаць аб хуткім выхадзе з рэжыму лакдаўна у Брытаніі проста не можа быць і гаворкі.
"Калі ў вас павышаецца хуткасць перадачы віруса, у вас будзе больш выпадкаў (заражэння - Sputnik). Я ведаю, гэта можа здацца відавочным, але калі ў вас больш выпадкаў, у вас расце колькасць шпіталізацыі... У сітуацыі, калі ёсць перагрузка (сістэмы аховы здароўя - Sputnik), у вас павялічыцца лятальнасць, таму што сістэма перагружаная", - сказала эксперт СААЗ.
Ван Керкхове заклікала рабіць усё магчымае, каб спыніць перадачу віруса, па-за залежнасці ад яго варыянтаў.
У сярэдзіне снежня стала вядома аб выяўленні ў Вялікабрытаніі новай мутацыі каронавіруса SARS-CoV-2. Пазней кансультацыйны савет па новых рэспіраторных вірусных пагрозах Брытаніі пацвердзіў, што варыянт каронавіруса, які выяўлены ў краіне, распаўсюджваецца з большай хуткасцю і патрабуе ад насельніцтва яшчэ большай асцярожнасці. Хоць новы варыянт віруса, паводле папярэдніх ацэнак, можа быць на 70% больш заразны за звычайнага, нішто пакуль не кажа пра тое, што ён больш небяспечны з пункту гледжання смяротнасці або шпіталізацыі.
З пачатку студзеня ў Англіі уведзены нацыянальны лакдаўн, ужо трэці па ліку і такі ж строгі, як першы. Рост заражэнняў паступова зніжаецца, але ўрад не выключае, што карантын у краіне можа быць прадоўжаны да канца сакавіка, а абмежавальныя меры могуць стаць істотна больш жорсткімі.
Чытайце таксама:
- Вакцыны супраць новых штамаў каронавіруса будуць распрацоўваць ў Брытаніі
- У Вялікабрытаніі яшчэ адна мутацыя каронавіруса - зараз з Бразіліі
- СААЗ: другі год пандэміі можа апынуцца цяжэй папярэдняга
