22:53 08 мая 2021
«Радыё Sputnik»
  • USD2.54
  • EUR3.06
  • 100 RUB3.42
Грамадства
Атрымаць кароткую спасылку
39 0 0

Сістэма выдачы біяметрычных пашпартоў была гатова ўжо даўно, аднак у канцы студзеня прэзідэнтам былі пастаўлены дадатковыя пытанні, якія патрабавалі дапрацоўкі.

МІНСК, 20 сак – Sputnik. Біяметрычныя пашпарты пачнуць выдаваць беларусам з 1 верасня 2021, адпаведны ўказ падпісаў Аляксандр Лукашэнка.

Новае пакаленне асабістых дакументаў для грамадзян Беларусі будзе прадстаўлена ў двух узорах - ідэнтыфікацыйнае пасведчанне і біяметрычны пашпарт: ID-карты заменяць стандартныя пашпарты на тэрыторыі краіны, а вось біяметрычныя пашпарты ўводзяцца для паездак за мяжу.

Адзначаецца, што выкарыстанне біяметрычных дакументаў дазволіць цалкам аўтаматызаваць працэдуру ідэнтыфікацыі асобы і спрасціць праходжанне пашпартнага кантролю пры перасячэнні мяжы.

Па знешнім выглядзе ID-карта нагадвае вадзіцельскае пасведчанне. На ёй будзе зазначана асноўная асабістая інфармацыя грамадзяніна і размешчана фатаграфія, больш пашыраныя дадзеныя - у асабістым анлайн-кабінеце, яны будуць счытвацца з дапамогай спецыяльнага тэрмінала.

На ID-карце будзе размешчаны таксама электронны лічбавы подпіс уладальніка - яго атрымліваюць на 10-гадовы тэрмін разам з асабістым кабінетам і новым дакументам. Кабінет з моманту стварэння (або нараджэння чалавека) будзе неактыўным, пакуль яго не актывуюць з дапамогай ID-карты.

Нарада па ўкараненні біяметрычных пашпартоў у Беларусі прайшла ў канцы студзеня ў прэзідэнта. Аляксандр Лукашэнка ўхваліў увядзенне новых дакументаў у краіне, аднак даручыў дапрацаваць асобныя моманты. Першапачаткова меркавалася, што пашпарты пачнуць выдаваць з 30 красавіка 2021 года.

У гэтым годзе будзе выдадзена каля 800 тысяч картак і 300 тысяч біяметрычных пашпартоў. Сённяшні дзеючы пашпарт будзе сапраўдны да тэрміну яго заканчэння, мяняць яго з-за ўвядзення біяметрычных дакументаў неабходнасці няма. У выпадку звароту грамадзяніна ў 2021 годзе з заявай пра страту пашпарта яму будзе выдавацца ID-карта.

За выдачу ідэнтыфікацыйнай карты трэба будзе заплаціць 1,5 базавай велічыні (43,5 рублёў), біяметрычнага пашпарта - 2 базавыя (58 рублёў).

Чытайце таксама:

Тэги:
прэзідэнт, Біяметрычны пашпарт, Аляксандр Лукашэнка, Указ

Галоўныя тэмы