11:47 14 чэрвеня 2021
«Радыё Sputnik»
  • USD2.48
  • EUR3.02
  • 100 RUB3.46
Грамадства
Атрымаць кароткую спасылку
9 0 0

Праект плануюць рэалізаваць да 2040 года, на гэтыя мэты інвестар мае намер накіраваць больш за 10 мільярдаў беларускіх рублёў.

МІНСК, 14 тра - Sputnik. Дакумент аб маштабнай забудове 10 квадратных кіламетраў на поўначы Мінска падпісаў прэзідэнт Беларусі Аляксандр Лукашэнка, паведамілі ў прэс-службе кіраўніка дзяржавы.

Указ №186 "Аб рэалізацыі інвестыцыйнага праекта ў Мінску" быў падпісаны 13 траўня. Ён прадугледжвае будаўніцтва ў паўночнай частцы сталіцы эксперыментальнага шматфункцыянальнага комплексу "Паўночны Бераг". Пад комплекс выдзелена тэрыторыі ў межах МКАД - праспект Пераможцаў - вуліца Арлоўская - Цнянскае вадасховішча.

 

У склад комплексу павінны ўвайсці жылыя дамы з неабходнай транспартнай і інжынернай інфраструктурай, аб'екты грамадскага прызначэння, сацыяльныя аб'екты агульнай плошчай больш за шэсць мільёнаў квадратных метраў.

Як паведамілі ў прэс-службе, плануецца, што ў першую чаргу будуць пабудаваны будынкі Міжнароднага выставачнага цэнтру, Інстытута штучнага інтэлекту, Мінскага цэнтра міжнароднага гандлю.

Рэалізацыяй праекта будзе займацца прыватная фірма "Рывэрсайд Дэвелапмент Холдингз Лімітэд" з Аб'яднаных Арабскіх Эміратаў. Інвестар мае намер накіраваць на праект больш за 10 мільярдаў беларускіх рублёў. Тэрмін рэалізацыі - з 2021 па 2040 гады.

Нагадаем, што закладка капсулы ў падмурак Нацыянальнага выставачнага цэнтра адбылася ў кастрычніку мінулага года. У цырымоніі прыняў удзел прэм'ер-міністр Беларусі Раман Галоўчанка. Ён распавёў, што ў праекце закладзена не толькі самая перадавая архітэктура сусветнага ўзроўню, але і такія навацыі, як "разумны горад", універсітэт штучнага інтэлекту, сучасныя сацыяльныя і культурныя аб'екты.

Чытайце таксама:

Тэги:
праект, Мінск, горад, Будаўніцтва, Указ

Галоўныя тэмы