https://bel.sputnik.by/20210520/Zakhvorvanne--smyarotnasts-ad-COVID-19-u-svetse-pamyanshaetstsa--SAAZ-1047661556.html
Захворванне і смяротнасць ад COVID-19 у свеце памяншаецца – СААЗ
Захворванне і смяротнасць ад COVID-19 у свеце памяншаецца – СААЗ
Sputnik Беларусь
Да трох штамаў каронавіруса, якія класіфікаваліся арганізацыяй як "выклікаючыя занепакоенасць", дадаўся яшчэ адзін. 20.05.2021, Sputnik Беларусь
2021-05-20T09:25+0300
2021-05-20T09:25+0300
2021-05-20T09:22+0300
навіны
у беларусі
у свеце
грамадства
галоўнае
рэлігія
захворванне
covid-19
сааз
каронавірус
https://cdnn11.img.sputnik.by/img/07e5/05/13/1047660664_0:306:3080:2048_1920x0_80_0_0_7ef0d8aae9a49260be74f7127e7f0c45.jpg
МІНСК, 19 тра - Sputnik. Колькасць заражэнняў і смяротных зыходаў ад каронавіруса за мінулы тыдзень у свеце зменшылася, пра гэта паведамляе Сусветная арганізацыя аховы здароўя (СААЗ).За сем дзён у параўнанні з папярэднім аналагічным перыядам захворванне знізілася на 12% і склала больш як 4,8 выпадкі заражэнняў, смяротнасць - на 5%, гэта больш за 85 тысяч смяротных зыходаў.Колькасць хворых на за мінулы тыдзень расла толькі ў Заходне-Ціхаакіянскім рэгіёне, у астатніх частках свету яна, месцамі хоць і нязначна, падала. Самая цяжкая сітуацыя склалася ў Індыі - краіна практычна штодня ставіць антырэкорды па ліку заражэнняў і смерцяў.Па дадзеных арганізацыі, па свеце працягваюць распаўсюджвацца штамы каронавіруса. Так, "брытанскі" штам зафіксавалі ўжо ў 143 краінах, "паўднёваафрыканскі" - у 96, бразільскі/японскі - у 58 дзяржавах. Акрамя таго, да варыянтаў, "якія выклікаюць занепакоенасць", СААЗ аднесла і мутацыю, выяўленую ў кастрычніку ў Індыі.Усе гэтыя штамы былі знойдзены, у прыватнасці, у Індыі, ЗША, Мексіцы, Велікабрытаніі, Італіі, Іспаніі, Францыі, Турцыі і Ізраілі.Нагадаем, што з-за пандэміі каронавіруса СААЗ у красавіку заявіла аб падаўжэнні рэжыму надзвычайнай сітуацыі ў ахове здароўя. Спецыялісты прыйшлі да высновы, што пандэмія "ўсё яшчэ ўяўляе сабой надзвычайную падзею і працягвае негатыўна ўплываць на здароўе насельніцтва ў свеце". Пры гэтым кіраўнік СААЗ Тэдрас Адханам Гебрэйесус выказаў здагадку, што стрымліваць пандэмію каронавіруса атрымаецца ўжо ў найбліжэйшай будучыні.Ужо ў траўні ў арганізацыі паведамілі, што смяротнасць ад каронавіруса ў свеце выйшла на плато.Па падліках СААЗ, каб прышчапіць ад каронавіруса асноўную частку дарослага насельніцтва свету, ў 2022 годзе спатрэбіцца дадаткова да 45 мільярдаў долараў.Сітуацыя ў БеларусіРаней міністр аховы здароўя Беларусі Дзмітрый Піневіч заяўляў, што трэцюю хвалю каронавіруса ў Беларусі чакаюць гэтай вясной.Па дадзеных Міністэрства аховы здароўя на 18 траўня, у рэспубліцы за ўвесь перыяд пандэміі заразілася больш 378 тысяч чалавек, памерла 2721 пацыенты з дыягнаставаным COVID-19.З вядомых сусветных штамаў каронавіруса ў рэспубліцы быў выяўлены толькі брытанскі, аднак напярэдадні навукоўцы паведамілі, што ў Беларусі цыркулюе свой варыянт мутацыі.Чытайце таксама:
https://bel.sputnik.by/20210513/San-Maryna---tolk-pachatak-Chamu-generalny-sakratar-AAN-prasovae-Sputnik-V--vdea-1047608075.html
Sputnik Беларусь
media@sputniknews.com
+74956456601
MIA „Rossiya Segodnya“
2021
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
навіны , у беларусі, у свеце, грамадства, галоўнае, рэлігія, захворванне, covid-19, сааз, каронавірус
навіны , у беларусі, у свеце, грамадства, галоўнае, рэлігія, захворванне, covid-19, сааз, каронавірус
Захворванне і смяротнасць ад COVID-19 у свеце памяншаецца – СААЗ
Да трох штамаў каронавіруса, якія класіфікаваліся арганізацыяй як "выклікаючыя занепакоенасць", дадаўся яшчэ адзін.
МІНСК, 19 тра - Sputnik. Колькасць заражэнняў і смяротных зыходаў ад каронавіруса за мінулы тыдзень у свеце зменшылася, пра гэта паведамляе Сусветная арганізацыя аховы здароўя (СААЗ).
За сем дзён у параўнанні з папярэднім аналагічным перыядам захворванне знізілася на 12% і склала больш як 4,8 выпадкі заражэнняў, смяротнасць - на 5%, гэта больш за 85 тысяч смяротных зыходаў.
Колькасць хворых на за мінулы тыдзень расла толькі ў Заходне-Ціхаакіянскім рэгіёне, у астатніх частках свету яна, месцамі хоць і нязначна, падала. Самая цяжкая сітуацыя склалася ў Індыі - краіна практычна штодня ставіць антырэкорды па ліку заражэнняў і смерцяў.
Па дадзеных арганізацыі, па свеце працягваюць распаўсюджвацца штамы каронавіруса. Так, "брытанскі" штам зафіксавалі ўжо ў 143 краінах, "паўднёваафрыканскі" - у 96, бразільскі/японскі - у 58 дзяржавах. Акрамя таго, да варыянтаў, "якія выклікаюць занепакоенасць", СААЗ аднесла і мутацыю, выяўленую ў кастрычніку ў Індыі.
Усе гэтыя штамы былі знойдзены, у прыватнасці, у Індыі, ЗША, Мексіцы, Велікабрытаніі, Італіі, Іспаніі, Францыі, Турцыі і Ізраілі.
Нагадаем, што з-за пандэміі каронавіруса СААЗ у красавіку заявіла аб падаўжэнні рэжыму надзвычайнай сітуацыі ў ахове здароўя. Спецыялісты прыйшлі да высновы, што пандэмія "ўсё яшчэ ўяўляе сабой надзвычайную падзею і працягвае негатыўна ўплываць на здароўе насельніцтва ў свеце". Пры гэтым кіраўнік СААЗ Тэдрас Адханам Гебрэйесус выказаў здагадку, што стрымліваць пандэмію каронавіруса атрымаецца ўжо ў найбліжэйшай будучыні.
Ужо ў траўні ў арганізацыі паведамілі, што смяротнасць ад каронавіруса ў свеце выйшла на плато.
Па падліках СААЗ, каб прышчапіць ад каронавіруса асноўную частку дарослага насельніцтва свету, ў 2022 годзе спатрэбіцца дадаткова да 45 мільярдаў долараў.
Раней міністр аховы здароўя Беларусі Дзмітрый Піневіч заяўляў, што трэцюю хвалю каронавіруса ў Беларусі чакаюць гэтай вясной.
Па дадзеных Міністэрства аховы здароўя на 18 траўня, у рэспубліцы за ўвесь перыяд пандэміі заразілася больш 378 тысяч чалавек, памерла 2721 пацыенты з дыягнаставаным COVID-19.
З вядомых сусветных штамаў каронавіруса ў рэспубліцы быў выяўлены толькі брытанскі, аднак напярэдадні навукоўцы паведамілі, што ў Беларусі цыркулюе свой варыянт мутацыі.
