МІНСК, 29 сак — Sputnik. Нацыянальная зборная Беларусі па футболе пацярпела паражэнне ў таварыскім матчы супраць каманды Македоніі з лікам 3:0, паведамляе Sputnik.
Сустрэча Македонія — Беларусь адбылася ў аўторак на стадыёне "Філіп II" у Скоп'е. У складзе гаспадароў вызначыліся Стэфан Спіроўскі (40-я хвіліна) і Горан Пандзеў (61 і 69).
Беларусы прайгралі другі паядынак запар пад кіраўніцтвам новага галоўнага трэнера Ігара Крывушэнкі. Нагадаем, 25 сакавіка ў Стакгольме нацыянальная зборная пацярпела разгромнае паражэнне ад шведаў (4:0) у матчы адборачнага турніру Чэмпіянату свету 2018 года.
Терпим второе крупное поражение подряд.#СборнаяБеларусь #БелыяКрылы #MKDBLR pic.twitter.com/DlU3mfA7Dp
— АБФФ (@BelFootFeder) 28 марта 2017 г.
Дарэчы, гэта трэцяя сустрэча паміж зборнымі Беларусі і Македоніі. У папярэдніх двух, якія адбыліся ў 2015 годзе, адзін раз перамогу святкавалі беларусы, адзін раз была зафіксаваная нічыя.
