МІНСК, 21 чэр — Sputnik. Экс-першая ракетка свету Вікторыя Азаранка выйграла свой першы матч пасля гадавога перапынку ў кар'еры, звязанага з нараджэннем сына Леа ў снежні мінулага года, паведамляе Sputnik.
Паядынак першага раўнда Mallorca Open у Іспаніі паміж беларускай Вікторыяй Азаранка і японкой Рысай Адзакі, распачаты ўвечары 20 чэрвеня, завяршыўся ў сераду. Напярэдадні з-за наступлення цемры суддзі былі вымушаныя перапыніць матч пры рахунку 6:3, 4:6, 4:5.
Сёняшні працяг матчу распачаўся з падачы тэнісісткі з краіны Узыходзячага Сонца, якой заставалася ўзяць толькі адзін гейм. Аднак Азаранка здолела адыграцца — 7:6 (9:7). Дарэчы, Азаранка ўпершыню сустракалася з Адзакі.
У 1/8 беларуска сустрэнецца з прадстаўніцай Харватыі Анай Конюх.
Пасля турніру на Мальёрцы, які завершыцца 25 чэрвеня, экс-першая ракетка свету адправіцца ў Лондан на Уімблдонскі турнір.
