01:25 28 студзеня 2020
«Радыё Sputnik»
  • USD2.12
  • EUR2.34
  • 100 RUB3.40
Спорт
Атрымаць кароткую спасылку
1810

У клубе запэўнілі, што Радзівонаў працягне працу ў структуры клуба.

МІНСК, 15 сту — Sputnik. Беларускі нападаючы барысаўскага футбольнага клуба БАТЭ Віталь Радзівонаў завяршыў кар'еру футбаліста, паведамілі Sputnik у прэс-службе "жоўта-сініх".

У лістападзе мінулага года перад хатнім матчам групавога раўнду Лігі Еўропы супраць сербскай "Црвены Звезды" (0:0) СМІ паведамілі, што Радзівонаў сыходзіць з футбола. Аднак сам спартсмен гэтую інфармацыю не пацвердзіў, назваўшы яе чуткамі.

"Форвард Віталь Радзівонаў прыняў рашэнне завяршыць гульнявую кар'еру", — распавялі ў БАТЭ.

У клубе дадалі, што Радзівонаў не развітваецца з БАТЭ — ён працягне працаваць у структуры клуба.

"ФК БАТЭ ад імя сваіх заўзятараў дзякуе Віталю Радзівонаву за вялікі ўклад у дасягненні клуба!" — дадалі ў прэс-службе.

У сваю чаргу 34-гадовы Радзівонаў падзякаваў кіраўніцтву клуба, партнёрам па камандзе і заўзятарам. Асобна ён адзначыў сваіх першых настаўнікаў Валерыя Новікава і Уладзіміра Вайцяховіча. Паводле слоў Радзівонава, яны "распалілі ў юным хлопчыке несуцішнае жаданне і запал да гульні, якія дапамагалі на працягу ўсёй кар'еры".

Радзівонаў перайшоў у БАТЭ ў пачатку 2006 года і з таго часу правёў у складзе каманды 412 матчаў і забіў 161 мяч. Разам з "жоўта-сінімі" ён 12 разоў станавіўся чэмпіёнам Беларусі, тройчы заваёўваў Кубак краіны і шэсць разоў — Суперкубак Беларусі.

По теме

БАТЭ зацверджаны чэмпіёнам Беларусі ў сезоне-2017
Тэги:
футбол, ФК "БАТЭ", Віталь Радзівонаў, Барысаў, Беларусь

Галоўныя тэмы