06:07 16 снежня 2018
«Радыё Sputnik»
  • USD2.12
  • EUR2.40
  • 100 RUB3.19
Фінал Кубка Беларусі па футболе БАТЭ - Дынама-Брэст

Брэсцкае "Дынама" адмяніла святкаванне перамогі ў Кубку Беларусі

© Sputnik / Виктор Толочко
Спорт
Атрымаць кароткую спасылку
39 0 0

Урачыстасць адмяняецца з-за няўдач каманды ў бягучым розыгрышы футбольнага чэмпіянату Беларусі.

МІНСК 3 чэр — Sputnik. Футбольны клуб "Дынама-Брэст" адмяніў урачыстае святкаванне перамогі каманды ў Кубку Беларусі, паведаміла прэс-служба ФК.

Брэсцкі клуб выйграў турнір 19 мая. У фінальным паядынку "Дынама" аказалася мацней барысаўскага БАТЭ. Гульня праходзіла на магілёўскім стадыёне "Спартак" і завяршылася з лікам 3:2 на карысць БАТЭ.

У нядзелю стала вядома, што клуб не будзе ўрачыста святкаваць сваю перамогу ў Кубку.

"Прычына: нездавальняючы выступ каманды ў бягучым розыгрышы чэмпіянату Беларусі", — сказалі ў прэс-службе.

Нагадаем, у двух апошніх турах чэмпіянату "Дынама" выпусціла перамогі на апошніх секундах матчу: спачатку прапусціла гол ад "Дняпра", затым — ад "Тарпеда".

Каманда з 12-ю ачкамі пакуль знаходзіцца на восьмым месцы і прапусціла больш за ўсіх галоў у чэмпіянаце (14).

Раней пасаду галоўнага трэнера пакінуў чэшскі спецыяліст Радаслаў Латал. Па словах генеральнага мэнэджара брэсцкага "Дынама" Валдаса Іванаўскаса, прычынай яго звальнення стала няўдалае выступленне клуба ў чэмпіянаце Беларусі.

У дадзены момант выконвае абавязкі трэнера Сяргей Кавальчук.

У сярэдзіне мая ФК "Дынама-Брэст" шакаваў заўзятараў, абвясціўшы, што старшынёй праўлення клуба стаў аргентынскі футбаліст Дыега Марадона.

По теме

Марадона атрымаў майку "Дынама-Брэст"
Дзмітрыеў: каго і чаму можа навучыць бесшабашны Дыега Марадона?
Марадона стаў старшынёй праўлення брэсцкага "Дынама"
Тэги:
футбол, ФК "Дынама" (Брэст), Беларусь

Галоўныя тэмы