Беларусь заняла сёмае месца на ЧЕ па лёгкай атлетыцы

© REUTERS / Michael DalderБеларуская бягуха Вольга Мазуронак
Беларуская бягуха Вольга Мазуронак - Sputnik Беларусь
Падпісацца
Цяперашні ЧЕ стаў для беларускай зборнай самым паспяховым за апошнія гады.

МІНСК, 13 жні — Sputnik. Зборная Беларусі ўвайшла топ-10 на Чэмпіянаце Еўропы па лёгкай атлетыцы ў Берліне, паведамляе Sputnik.

Беларуска Вольга Мазуронак на марафонскай дыстанцыі Чэмпіянату Еўропы па лёгкай атлетыцы ў Берліне - Sputnik Беларусь
Беларуска Вольга Мазуронак выйграла марафон на Чэмпіянаце Еўропы ў Берліне

У нядзелю, 12 жніўня, у Берліне завяршыўся 24-ы Чэмпіянат Еўропы па лёгкай атлетыцы. На працягу тыдня былі разыграны 48 камплектаў узнагарод. Удзел у кантынентальным першынстве прымалі амаль 1600 спартсменаў.

Па выніках спаборніцтваў Беларусь заняла сёмае месца ў медальным заліку — сем узнагарод. У скарбонцы каманды тры золата, адно срэбра і тры бронзы. Медалі вышэйшай вартасці заваявалі Вольга Мазуронак (марафон) і Эльвіра Герман (бег на 100 м з бар'ерамі). Серабро ў Максіма Недасекава (скачкі ў вышыню). Бронзавыя ўзнагароды ў Віталя Жука (дзесяцібор'е), Дзмітрыя Дзюбіна (хада на 50 км) і Алены Дубіцкай (штурханне ядра). Акрамя таго, беларускія бягухі Мазуронак, Марына Даманцэвіч і Анастасія Іванова ўзялі камандны кубак у марафонскім бегу.

У медальным заліку беларусы апярэдзілі Іспанію, Нарвегію, Партугалію і Галандыю.

Нагадаем, на мінулым ЧЕ-2016 беларусы зарабілі тры медалі (адно золата і два срэбра).

Стужка навiн
0