22:02 17 лістапада 2018
«Радыё Sputnik»
  • USD2.11
  • EUR2.40
  • 100 RUB3.20
Ігар Бокій

Паралімпіец Ігар Бокій выйграў два залатыя медалі на чэмпіянаце Еўропы

© Sputnik / Виктор Толочко
Спорт
Атрымаць кароткую спасылку
1310

Першынство кантынента сярод слабавідушчых плыўцоў працягнецца да нядзелі, 19 жніўня.

МІНСК, 15 жні — Sputnik. Беларускі спартсмен Ігар Бокій атрымаў дзве залатыя ўзнагароды на чэмпіянаце Еўропы па плаванні сярод слабавідушчых, які стартаваў у ірландскім Дубліне.

Паралімпіец з Беларусі быў хутчэй за ўсіх на дыстанцыі 100 метраў, якую пераадолеў батэрфляем за 53,95 секунды. Другое золата ён узяў на яшчэ адной стометроўцы, але ўжо брасам. Ігар Бокій паказаў час у 65,97 секунды, другі вынік на дыстанцыі (67,69 секунды) прадэманстраваў яшчэ адзін беларускі плывец Уладзімір Ізотаў.

У катэгорыі татальна невідушчых плыўцоў золата беларускай камандзе прынёс Георгій Зудзілаў, які на кароткай вадзе вольным стылем паказаў вынік у 27,01 секунды. Яшчэ дзве бронзавыя ўзнагароды ў скарбонку паклалі Аляксандра Свадкоўская і Анастасія Зудзілава.

На цяперашні момант Ігар Бокій з'яўляецца адзінаццаціразовым паралімпійскім чэмпіёнам. Першынство Еўропы сярод слабавідушчых спартсменаў будзе доўжыцца да 19 жніўня.

Тэги:
Паралімпійцы, Спорт, Ігар Бокій
Правілы карыстанняКаментары

Галоўныя тэмы