09:49 17 студзеня 2019
«Радыё Sputnik»
  • USD2.16
  • EUR2.46
  • 100 RUB3.23
МАЗ Вязовіча заняў трэцяе месца на этапе Дакара

МАЗ Вязовіча заняў трэцяе месца на этапе "Дакара"

© Photo: МАЗ-СПОРТавто
Спорт
Атрымаць кароткую спасылку
2910

У агульным заліку беларускі экіпаж адстае ад лідара ралі на 5 гадзін 36 хвілін, у "абсалюце" пілоты падняліся на 7-е месца.

МІНСК, 12 сту - Sputnik. Экіпаж пад кіраваннем Сяргея Вязовіча заняў трэцяе месца на марафонскім этапе "Дакара", пра гэта паведамілі ў прэс-службе Мінскага аўтамабільнага завода ў суботу.

Па дадзеных прэс-службы, пяты спецучастак быў найбольш складаным і экстрымальным. Экіпажы павінны былі прайсці 517 кіламетраў, аднак часткова маршрут быў адменены з-за ўмоў надвор'я.

МАЗ Сяргея Вязовіча пераадолеў участак трэцім (час - амаль шэсць гадзін). Перамог гоншчык з Расіі Эдуард Нікалаеў (прыбыў хутчэй на 6 хвілін), на другім месцы апынуўся яго партнёр па камандзе Дзмітрый Сотнікаў. У агульным заліку беларускі экіпаж адстае ад лідара ралі на 5 гадзін 36 хвілін.

"На фініш прыехалі разам з лідарамі заліку з "КАМАЗ-майстра". Наш экіпаж праехаў спецучастак ў іх тэмпе. Улічваючы нашы непрыемнасці ў другі і трэці дзень, мы вельмі рады вярнуцца на дадзеныя пазіцыі", - прыводзіць прэс-служба МАЗ словы Вязовіча.

Аляксей Вішнеўскі фінішаваў дзявятым (6 гадзін 23 хвіліны). У "абсалюце" беларускі экіпаж падняўся на 7-е месца, да лепшага часу яму не хапае 3 гадзін 12 хвілін.

На пятым участку гоншчыкі прайшлі рачныя рэчышчы, каньёны, адрэзкі з жвірам, бездараж. З сур'ёзнымі праблемамі беларускія гоншчыкі не сутыкнуліся.

"Спачатку мы думалі, што гэты спецучастак будзе прасцей, але ён апынуўся жахлівым! Ехалі па каньёнах, рэчышчах перасохлых рэк, грэйдарах з кучай камянёў... На фінішы апусціліся аблокі, а заехаўшы ў "фэш-фэш", мы проста рухаліся па кірунку, таму што бачнасць была нулявая", - распавёў Вішнеўскі.

Паведамляецца таксама, што з-за адмены часткі этапу вынікі іншых гоншчыкаў будуць падведзены арганізатарамі пазней. Спартсменам трэба пераадолець яшчэ больш за 800 км па шляху ў Сан-Хуан дэ Маркона, 309 км з іх прыйдуцца на спецучастак.

Тэги:
Эдуард Нікалаеў, Сяргей Вішнеўскі, Сяргей Вязовіч, "Дакар"

Галоўныя тэмы