08:00 16 лютага 2019
«Радыё Sputnik»
  • USD2.17
  • EUR2.44
  • 100 RUB3.25
Кубак Беларусі па футболе

Фінал Кубка Беларусі па футболе правядуць у Віцебску

© Sputnik / Виктор Толочко
Спорт
Атрымаць кароткую спасылку
1010

Абласны цэнтр прымаў фінал Кубка Беларусі ў апошні раз 17 гадоў таму, тады трафей дастаўся "Гомелю".

МІНСК, 30 сту - Sputnik. Фінальны паядынак Кубка Беларусі па футболе адбудзецца ў Віцебску напрыканцы мая, паведамілі ў прэс-службе Асацыяцыі "Беларуская федэрацыя футбола" (АБФФ).

У сакавіку пройдуць чвэрцьфінальныя паядынкі Кубка краіны: за выхад у паўфінал мінскае "Дынама" згуляе са "Слуцкам", салігорскі "Шахцёр" - з "Белшынай" з Бабруйска, "Віцебск" - з гомельскім "Лакаматывам", а БАТЭ - з "Гарадзеяй".

Сёння ў Доме футбола адбыўся выканкам АБФФ, дзе сярод іншых пытанняў было вызначана месца фінальнага матчу Кубка Беларусі.

"У якасці месца правядзення фінальнага матчу розыгрыша Кубка Рэспублікі Беларусь па футболе 2018/19 быў абраны стадыён ЦСК "Віцебскі" ў Віцебску. Уладальнік трафея вызначыцца 26 мая", - сказалі ў АБФФ.

Віцебск у другі раз у гісторыі прыме вырашальны паядынак Кубка краіны. Упершыню фінальны матч тут адбыўся 26 мая 2002 года. Тады перамогу святкаваў "Гомель", які абыграў БАТЭ з лікам 2:0.

Нагадаем, у апошнія два гады Кубак заваёўвала брэсцкае "Дынама".

Тэги:
Віцебск, Беларусь, Футбол

Галоўныя тэмы