02:27 24 чэрвеня 2021
«Радыё Sputnik»
  • USD2.54
  • EUR3.03
  • 100 RUB3.49
Спорт
Атрымаць кароткую спасылку
13 0 0

45-гадовы спартсмен зарабіў алімпійскую ліцэнзію дзякуючы высокаму месцу ў сусветным рэйтынгу.

МІНСК, 2 чэр - Sputnik. Беларус Уладзімір Самсонаў возьме ўдзел у Алімпійскіх гульнях у Токіа, паведамілі ў прэс-службе Нацыянальнага алімпійскага камітэта (НАК) Беларусі.

"Міжнародная федэрацыя настольнага тэніса (IITF) 1 чэрвеня апублікавала алімпійскі кваліфікацыйны рэйтынг, паводле якога 45-гадовы беларускі спартсмен размяшчаецца на 29-й пазіцыі і зможа прыняць удзел у Гульнях у сталіцы Японіі", - паведамілі ў НАК.

Для Самсонава, які 17 красавіка адзначыў 45-гадовы юбілей, Гульні ў Токіа стануць сёмымі ў кар'еры. Лепшы вынік беларус паказаў на АГ-2016 у Рыа-дэ-Жанейра, заняўшы чацвёртае месца.

"Уладзімір Самсонаў - адзіны з беларускіх гульцоў у настольны тэніс, хто атрымаў права пазмагацца за медаль у Токіа", - звярнулі ўвагу ў НАК.

Алімпіяда ў Токіа стартуе 23 ліпеня. Спаборніцтвы па настольным тэнісе пройдуць з 24 ліпеня па 6 жніўня.

Тэги:
Рэйтынг, спартсмен, Алімпіяда, Настольны тэніс

Галоўныя тэмы