Экспазіцыя выставы ўключае 12 жывапісных палотнаў, 7 скульптурных работ і 2 прадметы дэкаратыўна-прыкладнога мастацтва беларускіх і рускіх мастакоў, аб'яднаных тэмай Ленініяны.
"На выставе прадстаўлены вобраз ключавой постаці рэвалюцыйных падзей 100-гадовай даўніны — Уладзіміра Леніна. Яго вобраз распрацаваны значна лепш самой праблемы рэвалюцыі", — распавёў сакуратар праекта Дзмітрый Салодкі.
Некаторыя творы для ўзмацнення эфекту прысутнасці і адчування тэматыкі суправаджаюцца музыкай. Кожны наведвальнік можа прысесці насупраць карціны і праслухаць у слухаўках рэвалюцыйныя матывы.
Дзмітрый Салодкі адзначыў, што творы, прадстаўленыя ў рамках праекта, не маюць храналагічнай прывязкі і паслядоўнасці.
Паводле яго слоў, задачай куратараў было прапанаваць максімальна шырокае ўвасабленне вобразу Леніна ў мастацтве.
Чырвоны раяль, карціна без лініі гарызонту, што паказвае палец правадыра, і рэквіем па Леніну, чым яшчэ здзівіць выстава Ленініяны, глядзіце на відэа Sputnik.
