Відэа

Крыўко аб другім месцы ў Ансі: стамілася і марыла проста дабегчы

Падпісацца
Беларуска Ірына Крыўко на прэс-канферэнцыі падзялілася ўражаннямі пасля подыўма ў мас-старце ў Ансі. Глядзіце на відэа, што распавяла біятланістка.

Жаночы мас-старт у нядзелю павярнуўся для Крыўко нечаканым другім месцам: паміж францужанкай Жусцін Брэза і немкай Лаўрай Дальмайер. У гэтым біятланістка прызналася журналістам падчас прэс-канферэнцыі.

"Адчувала велізарную стомленасць і марыла проста дабегчы. Потым мне пачалі крычаць, што суперніцы блізка. У думках праслізнула, што магу не ўтрымацца", — распавяла спартсменка, адзначыўшы, што рада таму, што ўсё ж змагла выстаяць перад моцнымі суперніцамі.

Кажучы пра сваю стральбу (сёння Крыўко не дапусціла ніводнага промаху — Sputnik), яна прызналася, што гэта трэцяе па ліку выступленне без промахаў за ўсю кар'еру.

Таксама спартсменка адзначыла, што трэнерам зборнай зноў стаў Альфрэд Эдэр, з якім "нам стала добра і спакойна".

Глядзіце таксама:

Падвойнае шчасце Крыўко: першы подыум і прапанова рукі і сэрца >>

Апладысменты першаму подыўму Крыўко на этапах КС >>

Стужка навiн
0