16:07 17 студзеня 2019
«Радыё Sputnik»
  • USD2.15
  • EUR2.45
  • 100 RUB3.24
© Sputnik / Александр Шурмелев

Спектакль "Бог разні" па п'есе французскага драматурга Ясьміны Рэза ўжо скарыў Лондан, Парыж і Брадвей, на чарзе беларуская публіка. Глядзіце на відэа Sputnik, як купалаўцы рыхтуюцца да прэм'еры

П'еса распавядае гісторыю дзвюх сямей, якія абмяркоўваюць нядаўняе здарэнне: сыны пабіліся і адзін выбіў другому зубы. Праз сварку звычайных людзей рэжысёр Мікалай Пінігін спрабуе звярнуць увагу на глабальныя сусветныя праблемы.

"Гэтая п'еса не пра мігрантаў або тэрарыстаў, а пра тое, што вайна можа пачацца з любой канфліктнай сітуацыі, таму што ў аснове кожнага з нас ёсць не толькі чалавек, але і звер", — перакананы мастацкі кіраўнік Купалаўскага.

Арыгінальную назву п'есы "Бог разні" Пінігін наўмысна змяніў на "Талерантнасць". Такі варыянт, паводле яго слоў, іранічны і больш беларускі, спадабаўся і аўтару п'есы.

Галоўныя ролі ў спектаклі згуляюць Вікторыя Чаўлытка, Аляксандр Зелянко, Аляксандр Паўлаў, Святлана Анікей і Марына Гардзіёнак. Убачыць прэм'еру на сцэне найстарэйшага тэатра краіны можна 27 і 28 красавіка.

Тэги:
Прэм'ера спектакля, Нацыянальны акадэмічны тэатр імя Янкі Купалы, Мікалай Пінігін, Мінск

Яшчэ відэа

Галоўныя тэмы