11:53 14 чэрвеня 2021
«Радыё Sputnik»
  • USD2.48
  • EUR3.02
  • 100 RUB3.46

Падгадаваны сабака Айка вярнуўся дадому. Жывёла страцілася ў заліве Обская губа на Ямале і некалькі дзён правяла сярод снегу і лёду. Выратавалі Айку члены экіпажа ледакола "Аляксандр Саннікаў". Як гэта было - глядзіце на відэа.

Падгадаванага сабаку Айку, які згубіўся ў заліве Обская губа каля сяла Мыс Каменны на Ямале ў канцы траўня, выратавалі члены экіпажа ледакола "Аляксандр Саннікаў" кампаніі "Газпром нафта". На кадрах бачна, як сабака бегаў па крызе, чакаючы выратавання.

Гаспадыня сабакі Святлана Чарэшнева распавяла, як яе гадаванка знікла. У доме няшчыльна зачынілі дзверы, і сабака выбегла на вуліцу. Каля тыдня жанчына з мужам дарэмна шукалі любіміцу, давалі аб'явы ў сацыяльных сетках і распытвалі знаёмых.

Праз тыдзень Чарэшнева даведалася пра тое, што яе сабаку заўважылі непадалёк ад нафтавай вышкі. Экіпаж ледакола выехаў на месца і спусціў трап, па якім жывёла сама ўзлезла на борт.

"У далейшым пры дапамозе мабільнай сувязі ўстанавілі сувязь з мясцовым насельніцтвам, уладальнікамі жывёл. І праз некалькі гадзін жывёла была перададзена ў цэласці і захаванасці ў пасёлак шчаслівым гаспадарам пры дапамозе судна на паветранай падушцы", - распавёў навігацыйны памочнік капітана ледакола Яўген Нагібін.

Глядзіце на відэа прыгоды сабакі Айкі і кадры выратавання.

Глядзіце таксама:

Тэги:
відэа, Ямал, Жывёла, Сабака, ледакол, экіпаж

Яшчэ відэа

Галоўныя тэмы