https://bel.sputnik.by/20150605/1015580396.html

Дзмітрый Падбярэзскі: нам ёсць што паказаць Еўропе

Дзмітрый Падбярэзскі: нам ёсць што паказаць Еўропе

Sputnik Беларусь

Пра сучаснае становішча беларускай музыкі, конкурсы і музычныя калектывы распавядае музычны эксперт Дзмітрый Падбярэзскі. 05.06.2015, Sputnik Беларусь

2015-06-05T13:02+0300

2015-06-05T13:02+0300

2023-02-23T14:02+0300

у беларусі

навіны

культура

еўропа

мінск

увесь свет

асоба

музычная прэмія rock-profi

мастацтва

музыка

https://cdnn11.img.sputnik.by/img/101558/04/1015580493_0:22:1200:777_1920x0_80_0_0_37fef096a3a0c236a290ee6ce2c32c30.jpg

Аляксандр Жбанаў спецыяльна для Sputnik.На мінулым тыдні ў Мінску прайшла трэцяя беларуская музычная прэмія Rock Profi- 2015. Там прысутнічаў і беларускі музычны крытык, аўтар "Энцыклапедыі  беларускай папулярнай музыкі", у мінулым музычны рэдактар Беларускага тэлебачання, чалец Беларускай асацыяцыі журналістаў Дзмітрый Падбярэзскі. Ён растлумачыў карэспандэнту Sputnik чаму беларускія музыканты пакуль не збіраюць вялікіх канцэртных пляцовак. Rock Profi-2015Перш за ўсё крытык адзначыў, што вельмі станоўча ставіцца да музычнай прэміі Rock Profi і бачыць у гэтага конкурсу вялікую будучыню. Хаця б і таму, што ў адрозненні ад іншых штогадовых беларускіх музычных цырымоній тут пераможцаў вызначаюць самі музыкі. На яго думку такія конкурсы выключаюць магчымасць публікі налягаць на журналістаў ды крытыкаў і абвінавачваць іх у неаб'ектыўнасці, казаць, што яны, маўляў, вызначаюць сваіх лаўрэятаў згодна з уласнымі густамі.Пераможцы Rock Profi-2015 у намінацыі "Дэбют году" гурт Tonqixod "Тут цалкам іншы падыход — самі музыкі вырашаюць хто ёсць хто. 60 чалавек, якія вызначалі намінантаў сёлета ў цэрымоніі пераможцаў, — гэта ўсё ж-такі паказчык",- распавёў Падбярэзскі.Найбольш аб'ектыўнымі з усіх беларускіх музычных прэмій суразмоўцы Sputnik падаюцца дзве — Experty.by, якія вызначаюць пераможцаў на падставе выдадзеных дыскаў і цырымонія Rock Profi, дзе галасуюць самі музыкі.Дзяржаўная палітыка ў беларускай культурыКарэспандэнт Sputnik запытаў эксперта, чаму, на яго думку, выступленні беларускіх гуртоў не збяраюць вялікіх пляцовак. Падбярэзкі адказаў на пытанне дакладна: "Гэта звязана з адсутнасцю дзяржаўнай палітыкі ў падтрымцы беларускай культуры"."Наконт гэтага можна разважаць вельмі доўга. Калі практычна ніхто з беларускіх радыёстанцый і тэлеканалаў не прапагандуе беларускую музыку, а знакамітыя 75% вырабляюцца ноччу, то аб якім наведванні канцэртаў і развіцці беларускай музыкі можа ісці гаворка?", — сказаў Падбярэзскі.Падбярэзскі адзначыў, што апошнім часам слухае толькі дзве радыёстанцыі: радыё "Сталіца" і "Радыё-Мінск". Толькі там, на яго думку, беларуская музыка прысутнічае даволі рознабакова і актыўна. "Але калі вы ўключыце Unistar альбо "Рускае радыё" — там вы не пачуеце беларускай музыкі", — упэўнены крытык.Міжнародны ўзровеньУ размове з карэспандэнтам Sputnik эксперт сказаў, што цалкам перакананы у тым, што ў Беларусі ёсць, прычым даволі шмат, музыкаў міжнароднага ўзроўню.Падбярэзскі лічыць, што беларусы могуць паказаць на міжнародным узроўні і тое, што на дадзены момант ужо ёсць і ў жанры блюзавай і рок-музыкі."На пачатку гэтага стагоддзя я вазіў беларускіх блюзавых выканаўцаў у Польшчу на міжнародныя конкурсы. Цягам пяці гадоў мы два разы ўзялі гран-пры. Прычым, там удзельнічалі краіны з 8-9 еўрапейскіх краін".Крытык таксама распавёў пра становішча джазавай і блюзавай музыкі ў Беларусі. "У беларускім джазе больш складаная сітуацыя, але і тут ёсць вельмі высокага класа выканаўцы".У рок-музыцы, на яго думку, праблемы ўзнікаюць у тым, што большасць, асабліва маладых калектываў, наследуюць тое, што ўжо ёсць у Еўропе, што там калісьці гучала і не робяць сваёй уласнай музыкі за рэдкім выключэннем.Танчыць ці слухаць?На думку крытыка, інструментальнае беларускае трыа PortMone — прыклад таго, што трэба рабіць беларускім музыкантам і што цягам бліжэйшай пары гадоў гурт праедзе па ўсім свеце. "Таму што яны працуюць на тую публіку, якая здольная слухаць, суперэжываць і адкрываць у гэтым нешта іншае".На  PortMone ходзяць мала людзей, таму што на тыя ж фестывалі ў Вільню ездзіць моладзь, якая ўсё ж такі музыку ўспрымае найперш як пацеху, распавёў крытык. "Гэта не тая моладзь, якая, скажам, у цэнтры Мінска можа прыйсці на канцэрт няхай сабе і папулярнай, але сімфанічнай музыкі… Яны наўрад ці туды прыйдуць. Яны падрастуць і прыйдуць пасля", — дадаў ён. Падбярэзкі лічыць, што большасць беларускай музычнай аўдыторыі ўспрымае музыку як нейкі другасны прадукт. Як той прадукт, які проста ўжываецца — музыка не для слухання, а музыка для пацехі. Менавіта таму, калі з'яўляецца нейкі калектыў з музыкай, у якую трэба ўслыхоўвацца, у беларускай публікі ўзнікае праблема."Я не спрабую падзяліць аўдыторыю на тых, хто танчыць (і гэта дрэнна)і тых хто сядзіць і слухае (і гэта добра). Павінна быць самая розная. Ва ўсялякім выпадку вызначальным з'яўляецца фактар выканаўніцкага ўзроўню", — адзначыў эксперт.

https://bel.sputnik.by/20150529/1015456655.html

еўропа

мінск

увесь свет

беларусь

2015

Навіны

ru_BY

у беларусі, навіны , культура, еўропа, мінск, увесь свет, асоба, музычная прэмія rock-profi, мастацтва, музыка, стыль жыцця і адпачынак, стыль жыцця, узнагароды і прэміі, беларуская музыка: ад панку да пост-барду, беларусь