https://bel.sputnik.by/20150729/1016465274.html

Як прайшоў фестываль “Наш Грунвальд-2015”

Як прайшоў фестываль “Наш Грунвальд-2015”

Sputnik Беларусь

Вялікі двухдзённы фестываль, прысвечаны 605-годдзю адной з самых знакавых бітваў у еўрапейскай гісторыі, адбыўся ў музейным комплексе “Дудуткі”. 29.07.2015, Sputnik Беларусь

2015-07-29T16:21+0300

2015-07-29T16:21+0300

2023-02-23T14:04+0300

у беларусі

навіны

культура

еўропа

мінская вобласць

увесь свет

беларусь эпохі сярэднявечча

грунвальдская бітва (1410)

музыка

гісторыя

https://cdnn11.img.sputnik.by/img/101646/50/1016465040_0:0:0:0_1920x0_80_0_0_3005032d7183f572cbf72c1bd627842d.jpg

Юлія Хвошч, Sputnik.Сёмы фестываль гістарычнай рэканструкцыі "Наш Грунвальд-2015" прайшоў у "Дудутках" 25-га і 26-га ліпеня. Год ад году мерапрыемства становіцца ўсё больш маштабным і на сёняшні дзень з'яўляецца, бадай, галоўным фэстам сярэднавечнай культуры ў Беларусі.Сёлета ў межах мерапрыемства на адной пляцоўцы было зладжана два самастойных фестывалі — рыцарскі фэст і вялікі музычны марафон "Пір пасля бітвы". "Дудуткі" наведала шмат гасцей з Беларусі і замежжа.Ушанаванне гісторыі"Грунвальдскі фэст" прымеркаваны да вызначальных для гісторыі падзей 1410 года, арганізатарамі мерапрыемства традыцыйна выступілі экстрым тэатр "Берсек" і музейны комплекс "Дудуткі".У фестываль было заяўлена шмат клубаў гістарычнай рэканструкцыі з Беларусі і краін бліжэйшага замежжа. Нажаль, прадстаўнікі з Украіны, Польшчы і Літвы так і не даехалі да мерапрыемства па розных прычынах.Тым не меньш, на фэсце сваё майстэрства прадэманстравала больш за 600 рэканструктараў з Беларусі і Расіі.Свята наведала вялікая колькасць людзей, каб на свае вочы пабачыць сапраўдную гісторыю. Былі заўважаны і госці з далёкага замежжа.Сёлета арганізатарам спатрэбілася дапамога валанцёраў. Па словах навуковага супрацоўніка музейнага комплекса "Дудуткі" Канстанціна Чармошэнцава, калі фестываль будзе развівацца такімі тэмпамі і далей, ёсць верагоднасць, што ў будучыні галоўную пляцоўку фэсту трэба будзе вынесці за тэрыторыю музейнага комплекса на поле, дзе звычайна размяшчаецца намётавы лагер."Мерапрыемства ўжо дасягае той крытычнай колькасці гасцей, якая не ўмяшчаецца ў межы музейнага комплексу. Канешне, для такіх маштабаў трэба больш прасторы. Аднак для рэканструктараў ужо стала своеасабівай традыцыяй збірацца менавіта ў "Дудутках", — адзначыў Чармошэнцаў.Галоўная падзея мерапрыемства — рэканструкцыя Грундвальскай бітвы — адзначылася відовішчнасцю і набліжанасцю да рэчаіснасці. Паўсюль грукаталі гарматы, ляцелі стрэлы і дзіды. Аднак гледачы знаходзіліся ў бяспецы — з саміх гармат нічога не вылятала, антураж па большай ствараў гук, лучнікі падчас рэканструкцыі бітвы выкарыстоўвалі стрэлы з бяспечнымі наканечнікамі. Аднак рыцарі падалі так натуральна, што маленкія гледачы час ад часу пыталіся ў бацькоў, ці засталіся воіны ў жывых."Наш Грунвальд" прайшоў у "Дудутках" — фотастужка —>>Адзіным адрозненнем рэканструкцыі ад сапраўдных падзей стала адсутнасць конніцы — некалькі дзесяткаў коней і некалькі тысяч наведвальнікаў у спалучэнні маглі мець не самыя бяспечныя вынікі. Аднак гэты недахоп быў кампенсаваны ў другі дзень мерапрыемства відовішчным турнірам вершнікаў.Пір пасля бітвыСёлета музычная частка "Грунвальду" была вылучана ў асобную праграму, якую арганізатары мерапрыемства назвалі "Пір пасля бітвы".Паколькі перамога ў Грунвальдскай бітве — справа агульнаславянская, то і ў музычную праграму было вырашана запрасіць хэдлайнераў з Беларусі, Украіны і Расіі.Упершыню на фестывалі працавала адразу дзве сцэны. На першай выступленні пачыналіся амаль з раніцы, на другой (галоўнай) — толькі пасля рыцарскіх турніраў і доўжыліся ўсю ноч."Малую" сцэну наведала зусім невялікая колькасць гледачоў. І дарма. На ёй выступалі сапраўды вартыя ўвагі калектывы. У суботу — By Cry, Celidh Ceol,  By Effect, Fabiant, "Кліч", у нядзелю — "Восьмы дзень", гучныя Unia і Nevrida і беларускі калектыў сярэднявечнай музыкі Lity Taler."ПІР ПАСЛЯ БІТВЫ" — фотастужка — >>Лявон Казакоў абвяшчае наступны гурт Кіраваў музычнай часткай фестывалю "Наш Грунвальд-2015" музыкант, гісторык, басіст гурта Rokash Лявон Казакоў.Выступленні на галоўнай сцэне распачаліся адразу пасля рэканструкцыі Грунвальдскай бітвы. Адзін за другім да гледачоў выходзілі "Адарвірог", Gad Goddeu, Rokash і Forodwaith. З-за тэхнічных накладак час выступлення некаторых гуртоў быў скарочаны.Потым настаў час хэдлайнераў. Ад Беларусі выступіў гурт сярэднявечнай музыкі "Стары Ольса". Па-сапраўднаму завёў гасцей украінскі гурт Fram. Чароўны голас вакалісткі, ірландскія матывы і дуда, якія палюбіліся беларусам яшчэ на "Купальскім коле" (праходзіў таксама ў "Дудутках" у чэрвені), прымусілі плясаць гасцей фестывалю амаль без перапынку. Хэдлайнерам ад Расіі быў заяўлены гурт "Мельница", які, дарэчы, ужо ў другі раз за гэты год наведаў Беларусь. Гурт выступаў амаль дзве гадзіны."Мельница" двойчы выходзіў "на біс". Напрыканцы выступлення вакалістка Хілавіса толькі і мовіла са сцэны: "Дзякуй Грунвальд, мы ў шоку".У тры гадзіны раніцы над "Дудуткамі" праляцеў гучны голас Алеся Таболіча — беларускі гурт Znich выйшаў закрываць першы фестывальны дзень. Як адзначыў са сцэны вядоўца мерапрыемства, "гэта была лепшая ноч лета-2015", з чым нельга было не пагадзіцца. У намётавым лагеры да самай раніцы не спыняліся песні, гукі гітары і перкусіі.У нядзелю пасля рыцарскіх турніраў на галоўнай сцэне выстулі этна-панкі Dzieciuki. Усе — ад малога да старога — танчылі пад дажджом пад завадныя рыфы беларускага гурта.Надвор'е не перашкодзілаАмаль з самой раніцы нядзелі надвор'е пачало схіляцца ў бок не вельмі ўстойлівага — дзесяць хвілін музейны комплекс залівала, потым зноў выходзіла сонейка, потым зноў ішоў дождж. І так цягам усяго дня. Замежныя госці фестывалю такім чынам зразумелі, што значыць "сапраўднае беларускае лета".напярэдадні мерапрыемства сіноптыкі абвесцілі караткачасовы дождж У другі дзень адбыўся фінал турніру лучнікаў, бітвы пяцёрак і конны турнір. Перад выступленнем коннага турніра з-за дажджу арганізатары былі вымушаны прыпыніць мерапрыемства, але калі вершнікі ўсё ж-такі выйшлі на пляцоўку, вядоўца турніру адзначыў, што дождж наадварот добра спрыяе на разгарачаных коней перад спаборніцтвамі і бласлаўляе вершнікаў на перамогу.Па словах удзельнікаў турніраў, у гэтым годзе арганізацыя мерапрыемства была значна лепей.Па словах валанцёраў, якія дапамагалі забяспечваць парадак на мерапрыемстве, свята прайшло спакойна, згубленыя рэчы знаходзілі сваіх уладальнікаў, а дзеці — бацькоў дастаткова аператыўна праз абвяшэнне са сцэны."Грунвальдскі фэст" паказаў, што ў беларускай гісторыі есць вельмі шмат слаўных старонак, а Грунвальдская бітва стала вельмі знакавай падзеяй для Сярэднявечча ўвогуле."Менавіта ў Грунвальдскай бітве беларускі народ разам з іншымі народамі Усходняй Еўропы заваяваў сваю незалежнасць, сваё права "людзьмі звацца" і таму я вельмі падтрымліваю ідэю таго, каб ушаноўваць гэтае свята і найдалей. Гэта наша гісторыя, гэта нашае свята", — сказаў вядоўца мерапрыемства Лявон Казакоў.

https://bel.sputnik.by/20150722/1016346780.html

еўропа

мінская вобласць

увесь свет

беларусь

2015

Навіны

ru_BY

у беларусі, навіны , культура, еўропа, мінская вобласць, увесь свет, беларусь эпохі сярэднявечча, грунвальдская бітва (1410), музыка, гісторыя, стыль жыцця і адпачынак, культурнае развіццё, культура і адпачынак, стыль жыцця, фестываль, культурна-масавыя мерапрыемствы, гістарычная рэканструкцыя, беларусь