МІНСК, 22 вер — Sputnik. Даўгачаканае беларусамі эксперэментальнае шоў ад былых удзельнікаў "Король и шут" і прадусэрскай кампаніі "Театральное дело" перанесена на 18 лістапада.
Зонг-опера жахаў павінна была адбыцца ў сталічным Палацы спорту ў гэту пятніцу, 25 верасня. Арганізатарам і ініцыятарам мерапрыемства ў Беларусі выступіў праект "Рэспубліка Рока".
"Пакуль магу сфармуляваць толькі адну дакладную прычыну пераносу — перабоі ў працы аператара па продажы квіткоў", — распавёў карэспандэнту Sputnik адзін з арганізатараў мерапрыемства Аляксандр Лазараў.
Арганізатары таксама адзначылі, што набытыя да сёняшняга дня квіткі будуць дзейнічаць і 18 лістапада.
У аснову зонг-оперы жахаў Todd была пакладзена гісторыя паводле п'есы Хрыстафера Бонда. Ідэя пераказаць гісторыю пра брытанскага цырульніка-забойцу ў стылі панк-рок належыла Міхаілу Гаршэнёву, лідэру і заснавальніку гурта "Король и Шут", якога не стала ў 2013-м годзе.
Да самай смерці Гаршэнёў выконваў галоўную ролю ў спектаклі, потым ролю Тода стаў выконваць Роберт Астралуцкі.
