МІНСК, 23 кас — Sputnik. Белтэлерадыёкампанія пачала прыём заявак на ўдзел у конкурсе "Еўрабачанне" ад Беларусі, імёны фіналістаў назавуць 2 снежня гэтага года, паведамілі Sputnik ў прэс-службе кампаніі.
Адбіраць прадстаўніка ад Беларусі на "Еўрабачанне" ў Стакгольме будуць галасаваннем тэлегледачоў. Фіналістаў адбору ўсё роўна вызначыць прафесійнае журы, склад якога будзе абвешчаны пазней.
"Апошні дзень прыёму заявак — 21 лістапада 2015", — паведамілі ў Белтэлерадыёкампаніі.
Журы правядзе праслухоўванне ўсіх, хто выказаў жаданне ўдзельнічаць — спевакоў, заяўкі якіх адпавядаюць патрабаванням: песня павінна быць не даўжэй за тры хвіліны і раней не выкананай.
"Да 2 снежня прафесійнае журы правядзе праслухоўванне ўдзельнікаў і вызначыць не больш за 15 выканаўцаў для ўдзелу ў фінале. Падчас праслухоўвання будзе весціся анлайн-трансляцыя на афіцыйным сайце Белтэлерадыёкампаніі", — дадалі ў прэс-службе.
Удзельнічаць у адборы маюць права не толькі беларусы. Адна з умоў — каб аўтар заяўкі пастаянна пражываў на тэрыторыі рэспублікі.
61-ы конкурс песні "Еўрабачанне-2016" адбудзецца ў Стакгольме — сталіцы Швецыі, якая перамагла на папярэднім конкурсе "Еўрабачанне-2015" у Вене з песняй "Heroes" ў выкананні Монса Зелмерлева.
Паўфіналы конкурсу адбудуцца 10 і 12 мая, а фінал — 14 мая. Пры гэтым у правілы яго правядзення ўнесены змены. Краіны "вялікай пяцёркі" (Францыя, Германія, Італія, Іспанія, Вялікабрытанія) і краіна-гаспадыня (Швецыя) пачнуць выступы з паўфіналу, аднак аўтаматычна апынуцца ў фінале. Тым не менш у іх будзе магчымасць прагаласаваць за іншых удзельнікаў у паўфінале.
