МІНСК, ліс 11 — Sputnik. Праграміст Цімафей Авілін выдаў унікальную кнігу па этнаастраноміі — падобнай літаратуры ў беларусаў дагэтуль не было. У кнізе сабраныя ўласныя этнаграфічныя даследаванні аўтара, яго калег, а таксама аналіз шматлікіх літаратурных крыніц. Цяпер мы можам даведацца, як беларусы называлі зоркі, і болей не клікаць "Іллёў воз" "Вялікай мядзведзіцай".
"Напрыклад, "Вялікую мядзведзіцу" клікалі "Іллёў воз" ці "Воз Іллі", а "Млечны шлях" — птушынай дарогай, казалі, што па той дарозе жураўлі ляцяць", — распавядае аўтар для Sputnik.
Палярную ж зорку называлі Паўночнай і Зорным колам, бо "стаіць, як гвозд".
Аўтар кажа, што свае астранамічныя веда беларусы выкарыстоўвалі ў розных мэтах: для вызначэння часу і арыентавання ў прасторы, нават для варажбы — прымхі звязвалі з квадратам месяца і з падзеннем зоркі, са з'яўленнем каметаў і іншым. Знічку, дарэчы, успрымалі па-рознаму: гэта магла быць і душа чалавека, які нарадзіўся ці памёр, няхрышчаны дзіцёнак, чараўнік ці нават сам анёл.
Выступ аўтара кнігі можна паслухаць сёння.
Дзе: музей Багдановіча
Калі: 11 лістапада, а 19 гадзіне.
