МІНСК, 7 сне — Sputnik. Букмекерскія канторы пачалі прымаць стаўкі на вынікі папулярнага песеннага конкурсу "Еўрабачанне-2016".
Беларусь пакуль яшчэ не вызначылася са сваім прадстаўніком на конкурс песні "Еўрабачанне-2016". Фінал нацыянальнага адбору пройдзе да 25 студзеня, за права прадстаўляць рэспубліку на папулярным песенным аглядзе пазмагаюцца дзесяць выканаўцаў і гуртоў.
Большасць краін таксама яшчэ не вызначыліся са сваімі прадстаўнікамі на конкурсе, а букмекерскія канторы ўжо пачалі прымаць стаўкі на яго вынікі. Па дадзеных першых дзён ставак, на перамогу хутчэй за ўсё могуць разлічваць Швецыя, Расія ці Украіна. Беларусь цяпер у топе букмекераў знаходзіцца толькі на 27-м месцы — на перамогу рэспублікі ставяць з разліку 26 да 1.
У фінал нацыянальнага адбору на конкурс "Еўрабачанне" выйшлі Аляксей Грос, Валерыя Садоўская, Анастасія Малашкевіч, Аляксандр Іваноў, Кірыл Ермакоў, гурт "Радыёхваля", гурт Navi, гурт The Em, Саша Захарык і Napoli.
Конкурс песні "Еўрабачанне-2016" пройдзе ў сталіцы Швецыі 10-14 мая.
