Фота

Рэдкія дарэвалюцыйныя і савецкія елачныя цацкі выстаўляюць у Пінску

Падпісацца
Некалькі дзясяткаў елачных цацак пачатку 20 стагоддзя і савецкіх часоў паказваюць сёння ў пінскім Музеі беларускага Палесся. Глядзіце ў фотастужцы Sputnik, як нашы продкі ўпрыгожвалі навагоднія ялінкі.

Традыцыя святкавання Новага году на Беларусі, як і ва ўсім Савецкім Саюзе, перарывалася толькі на кароткі час. Прыкладна дзесяцігоддзе пасля Кастрычніцкай рэвалюцыі свята лічылася буржуазным. Але ўжо ў 30-я Новы год зноў вярнуўся ў дамы савецкіх людзей.

Але ялінкі ўжо не ўпрыгожвалі тымі цацкамі, што былі распаўсюджаны да рэвалюцыі. Калядныя зоркі, шары і званочкі, якія сёння можна пабачыць у пінскім Музеі беларускага Палесся, саступілі месца новым упрыгожванням. Каб задаволіць патрэбу ў елачных цацках, савецкія прадпрыемствы пачалі выпуск уласнай прадукцыі.

На працягу 30-50-х гадоў мінулага стагоддзя досыць папулярнымі былі ватныя цацкі. Нягледзячы на знешнюю прастату, тэхналогія іх вырабу была досыць мудрагелістай. Ватныя цацкі рабілі са скручанай прэсаванай бавоўны, якой надавалі пэўную форму. Існавалі каркасы-"шкілецікі" для вырабу чалавечкаў і жывёл. Пасля фігурку пакрывалі слоем клейсцера і слюды, што надавала ёй жорсткасць.

Твары лялек і пысы жывёлаў выраблялі з гліны, пап'е-машэ ці тканіны. У той перыяд найбольш распаўсюджанымі цацкамі былі садавіна, гародніна, фігуркі людзей, казачныя персанажы, лясныя і цыркавыя жывёлы.

Шкляныя ж цацкі напачатку свайго існавання ў савецкую эпоху займалі зусім невялікую частку ўпрыгожванняў. Але ў 60-70-я гады амаль усе ялінкі ўпрыгожвалі ўжо шклом. Пасля выдуву цацку ахалоджвалі, апускалі ў каляровы лак ці нітрыт срэбра, а потым фарбавалі ўручную. У гэты перыяд папулярнасцю карысталіся цацкі на касмічную тэму, музычныя інструменты, а таксама ўсё тыя ж жывёлы і персанажы казак.

© Sputnik / Арцём Кір'янаўПасля вайны ялінкі часта ўпрыгожвалі мініяцюрнымі прадметамі быту савецкага чалавека.
Пасляваенныя елачныя цацкі - Sputnik Беларусь
1/7
Пасля вайны ялінкі часта ўпрыгожвалі мініяцюрнымі прадметамі быту савецкага чалавека.
© Sputnik / Арцём Кір'янаўЦацкі з ваты маглі быць зусім невялікага памеру і досыць вытанчанымі, як гэтыя мініяцюрныя лялькі з падрабязна вымаляванымі тварамі.
Цацкі з ваты - Sputnik Беларусь
2/7
Цацкі з ваты маглі быць зусім невялікага памеру і досыць вытанчанымі, як гэтыя мініяцюрныя лялькі з падрабязна вымаляванымі тварамі.
© Sputnik / Арцём Кір'янаўУ 50-я папулярнымі былі так званыя “дрэздэнскія” цацкі: іх выраблялі з плотнага кардону, а потым фарбавалі.
“Дрэздэнскія” цацкі 50-х - Sputnik Беларусь
3/7
У 50-я папулярнымі былі так званыя “дрэздэнскія” цацкі: іх выраблялі з плотнага кардону, а потым фарбавалі.
© Sputnik / Арцём Кір'янаўУ пасляваенны час таксама карысталіся поспехам так званыя “мантаваныя” цацкі са шкла, якія складаліся з некалькіх дзясяткаў элементаў.
“Мантаваныя” цацкі са шкла - Sputnik Беларусь
4/7
У пасляваенны час таксама карысталіся поспехам так званыя “мантаваныя” цацкі са шкла, якія складаліся з некалькіх дзясяткаў элементаў.
© Sputnik / Арцём Кір'янаўДарэвалюцыйны час стаў апошнім, калі вершаліну елкі ўпрыгожвала Віфлеемская зорка.
Віфлеемская зорка на ялінку - Sputnik Беларусь
5/7
Дарэвалюцыйны час стаў апошнім, калі вершаліну елкі ўпрыгожвала Віфлеемская зорка.
© Sputnik / Арцём Кір'янаўЛагічна, што пасля Вялікай Айчыннай навагоднія ялінкі сталі ўпрыгожваць танкамі, парашутамі, дырыжаблямі і вайсковымі зоркамі.
Пасляваенныя елачныя цацкі - Sputnik Беларусь
6/7
Лагічна, што пасля Вялікай Айчыннай навагоднія ялінкі сталі ўпрыгожваць танкамі, парашутамі, дырыжаблямі і вайсковымі зоркамі.
© Sputnik / Арцём Кір'янаўГэтаксама, як паводле загаду Хрушчова савецкія палі сталі засейваць кукурузай, “царыца палёў” з’явілася і на галінах навагодніх елак.
Кукуруза на елку - Sputnik Беларусь
7/7
Гэтаксама, як паводле загаду Хрушчова савецкія палі сталі засейваць кукурузай, “царыца палёў” з’явілася і на галінах навагодніх елак.
Стужка навiн
0