МІНСК, 26 мая — Sputnik. Урад Беларусі абавязаў Рэспубліканскі цэнтр па гідраметэаралогіі, кантролі радыёактыўнага забруджвання і маніторынгу навакольнага асяроддзя (Гідрамет) не радзей разу на тыдзень публікаваць звесткі аб радыёактыўнай і экалагічнай абстаноўцы ў Беларусі.
Такое рашэнне замацавана пастановай Савета міністраў №399, якое было апублікавана ў чацвер на Нацыянальным прававым інтэрнэт-партале.
Згодна з дакументам "інфармацыя аб радыяцыйна-экалагічным становішчы на тэрыторыі Беларусі не радзей за адзін раз на сем дзён павінна размяшчацца на афіцыйным сайце дзяржаўнай установы "Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя".
Акрамя таго, такую інфармацыю варта штотыдзень публікаваць на афіцыйным сайце міністэрства прыродных рэсурсаў і навакольнага асяроддзя і ў СМІ.
Мінпрыроды будзе таксама размяшчаць зводны рэестр экалагічнай інфармацыі дзяржфонду аб стане навакольнага асяроддзя і ўздзеяннях на яго на сваім афіцыйным сайце і падтрымліваць рэестр у актуальным стане.
