ЕГУ: невядомасць нас не палохае

© Sputnik Вера ДашкевичГлава па камунікацыях і маркетынгу Максімас Мілта
Глава па камунікацыях і маркетынгу Максімас Мілта - Sputnik Беларусь
Не зважаючы на супярэчлівыя навіны, якія ў апошні час прыходзяць з ЕГУ, беларускія выпускнікі праявілі цікавасць да магістарскіх праграм універсітэта.

Вера Дашкевіч, Sputnik.

У святле апошніх падзей прывітальны слайд на "Дні магістра" ЕГУ — "Еўрапейскі гуманітарны ўніверсітэт: поўны наперад" — гучаў двухсэнсоўна.

Рэктар ЕГУ Дэвід Полік - Sputnik Беларусь
Рэктар ЕГУ сыдзе ў адстаўку да канца лета

З аднаго боку, ва ўніверсітэце не сціхаюць унутраныя канфлікты. І да таго ж намеціліся фінансавыя складанасці. Адзін з найбуйнейшых донараў — Савет міністраў Паўночных краін у маі прыняў рашэнне спыніць фінансаванне ЕГУ.

З іншага боку, патэнцыйныя магістры на сустрэчу прыйшлі. Зарэгістраваліся каля ста чалавек, да пачатку прыйшло каля паловы, але столькі ж і гэтак жа было і на папярэдняй сустрэчы зімой, падкрэслілі арганізатары.

Невядомасць

Слова "невядомасць" было ключавым у вітальнай прамове прафесара Рыгора Мінянкова. Але ён гаворыў не пра зямное — ці хопіць сіл і сродкаў супольнасці ЕГУ выстаяць ва ўмовах фінансавых і відавочных іміджавых страт, а пра глабальнае — тое, як змяніўся сэнс вышэйшай адукацыі. А таксама пра тое, што беларускія ВНУ, ў адрозненне ад ЕГУ, не надта спяшаюцца крочыць у нагу з часам.

"Да нядаўняга часу адукацыя — гэта было атрыманне спецыяльнасці. Сёння мы ад гэтага сыходзім, паколькі знаходзімся ва ўмовах сацыяльнай нявызначанасці. Рынак працы не вызначаны і не вызначаныя прафесіі, якія будуць запатрабаваныя ў будучыні. Таму мы, як выкладчыкі, апынаемся ў парадаксальнай сітуацыі — мы павінны навучыць таму і для таго свету, што самі не ведаем", — заўважыў Мінянкоў.

Сучасная вышэйшая адукацыя павінна даваць не спецыяльнасць, а пэўныя кампетэнцыі, якія дазволяць хутка рэагаваць і перабудоўвацца. У гэтым сэнсе ЕГУ імкнецца ісці ў нагу з часам, даў зразумець Мінянкоў і прапанаваў задаваць пытанні.

Пытанне, ці доўга праіснуе ЕГУ ў святле чакаемых фінансавых праблем, ад патэнцыйных магістрантаў так і не прагучала.

Бясплатныя месцы і зніжаны кошт навучання

За паўтара гады ўніверсітэт скараціў аперацыйныя выдаткі на чвэрць і адначасова знайшоў магчымасць знізіць, а то і зусім адмяніць плату для шэрагу студэнтаў, заявіў у адказ на пытанне аб фінансавым самаадчуванні ЕГУ кіраўнік па камунікацыі і маркетынгу універсітэта Максімас Мілта.

Вільня - Sputnik Беларусь
Літва просіць скандынаўскія краіны не спыняць фінансаванне ЕГУ

"Сам факт, што ўніверсітэт абвясціў пра тое, што мы ўпершыню за вельмі доўгі час прапануем бясплатныя месцы на ўсе праграмы навучання ў ЕГУ, па-мойму кажа сам за сябе. Акрамя таго, універсітэт знізіў максімальны кошт навучання для студэнтаў бакалаўрыяту з 2,5 тысяч да 2 тысяч. Гаворка пра грамадзян Беларусі, якія складаюць 95% студэнтаў нашага універсітэта", — падкрэсліў Мілта.

Ён не пагадзіўся са сцвярджэннем, што ЕГУ ў апошнія гады страціў у іміджы. У адрозненне ад закрытых беларускіх ВНУ, у ЕГУ ёсць "прастора адкрытага дыялогу, для універсітэтаў і універсітэцкай супольнасці гэта натуральна — мець мноства пазіцый", — патлумачыў сваю пазіцыю Мілта.

І праблем з наборам студэнтаў і магістрантаў кіраўнік па камунікацыях і маркетынгу ЕГУ не прагназуе. Наадварот, кажа, цікавасць да бакалаўрыята толькі расце.

"Калі ў мінулым годзе напярэдадні ўступнай кампаніі было каля 850 кантактаў абітурыентаў, то сёлета ўжо каля тысячы. Гэта тыя, хто звяртаецца ва ўніверсітэт па кансультацыю, тыя, хто бярэ ўдзел у Днях адчыненых дзвярэй, хто запісваецца на он-лайн курсы, хто нам піша ў скайпе", — патлумачыў Мілта.

Дзяўчаты-удзельніцы Дня магістра, якія выйшлі перадыхнуць ад размоў пра перспектывы вучобы ў ЕГУ, запэўнілі Sputnik, што навіны з ЕГУ, не заўсёды аптымістычныя ў апошні час, іх не палохаюць. Хочацца вучыцца, а ў магістратуру сваіх ВНУ яны ўжо не асабліва вераць.

© Sputnik Вера ДашкевичНа "Дні магістра"
Белорусские выпускники, пришедшие на День магистра - Sputnik Беларусь
На "Дні магістра"

"Ну што гэта будзе, у лепшым выпадку паўтарэнне пройдзенага, а там, кажуць, моцная школа", — прызналася выпускніца інстытута культуры Марыя. Гэтую ж думку ў той ці іншай форме Sputnik агучылі яшчэ некалькі чалавек.

Еўрапейскі гуманітарны універсітэт быў заснаваны ў Мінску ў 1992 годзе. Прапрацаваўшы 12 гадоў, быў зачынены беларускімі ўладамі. У 2005 годзе аднавіў працу ў Вільні. Яго часта пазіцыянуюць як беларускі ўніверсітэт у выгнанні, але фармальна ЕГУ з'яўляецца літоўскім ВНУ. За 24 гады выпусціў каля 2,7 тысяч студэнтаў. Пераважная большасць з іх — беларусы.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі