МІНСК, 9 чэр — Sputnik. Адвакат расійскай тэнісісткі Марыі Шарапавай выказаў упэўненасць, што спартсменка вернецца на корт да заканчэння тэрміну яе дыскваліфікацыі, паведамляе "Р-Спорт".
Напярэдадні Міжнародная федэрацыя тэніса (ITF) дыскваліфікавала Шарапаву на два гады за ўжыванне мельдонія, прызнаўшы, што расіянка ненаўмысна парушыла правілы. Тэрмін дыскваліфікацыі адлічваецца з 26 студзеня 2016 года. Сама 29-гадовая тэнісістка ўжо заявіла, што абскардзіць рашэнне аб дыскваліфікацыі ў Спартыўным арбітражным судзе (CAS).
"Я веру, што Марыя вернецца ў тэніс раней, чым у студзені 2018 года", — сказаў Хэгерці.
Крэмль дыскваліфікацыю экс-першай ракеткі свету каментаваць не стаў. "Не, гэта я ніяк не каментую. Замест яе будзе выступаць іншая спартсменка", — сказаў прэс-сакратар прэзідэнта РФ Дзмітрый Пяскоў.
Разам з тым, датчанка Караліна Вазняцкі, якая раней узначальвала рэйтынг WTA, назвала сумнай сітуацыю з Шарапавай. "У сучасным тэнісе існуе сапраўды вельмі жорсткая антыдопінгавая палітыка, і гэта дапамагло віду спорта быць на самой справе "чыстым". Калі нехта пападаецца на допінгу — гэта заўсёды сумная сітуацыя, не толькі для Марыі, але і для ўсяго сусветнага тэніса", — сказала Вазняцкі.
Пераможца пяці турніраў Вялікага Шлема Шарапава 7 сакавіка на адмыслова арганізаванай прэс-канфэрэнцыі заявіла, што атрымала апавяшчэнне пра тое, што ў яе допінг-спробе, узятай падчас выступу на Адкрытым чэмпіянаце Аўстраліі, знойдзеныя сляды мельдонія. Шарапава была часова адхіленая з 12 сакавіка.
