МІНСК, 15 чэр — Sputnik. Навальніцы і залевы чакаюцца ў сераду на ўсёй тэрыторыі Беларусі, паведамілі Sputnik у Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.
Паводле дадзеных сіноптыкаў, у сярэдзіне чэрвеня Беларусь будзе знаходзіцца ў зоне атмасферных франтоў. На гэтым тыдні тэмпература будзе павышацца, дасягнуўшы да выходных +30°С.
"Сёння, 15 чэрвеня, у перыяд да 12:00 на большай частцы тэрыторыі рэспублікі чакаюцца навальніцы, пры навальніцах месцамі моцныя залевы. Навальнічная абстаноўка захаваецца да канца дня", — сказалі ў Гідрамеце.
Там таксама паведамілі, што ў сувязі з гэтым па рэспубліцы аб'яўлены аранжавы ўзровень небяспекі.
Раней Sputnik у Гідрамеце паведамілі, што ў чацвер рэспубліка застанецца ў зоне франтальных сістэм і цёплых паветраных мас чарнаморскага паходжання: месцамі пройдуць кароткачасовыя дажджы, прагрымяць навальніцы, днём тэмпература паветра складзе да +27°С, у пятніцу паветра прагрэецца да + 30 ° С, па поўдні — да +34°С.
Аранжавы ўзровень небяспекі абвяшчаецца, калі надвор'е ўяўляе сур'ёзную пагрозу: пры шквалістых вятрах, залевах, навальніцах, градзе, спякоце, маразах, завеях і снегападах — з'явах, якія могуць негатыўна паўплываць на сацыяльна-эканамічную дзейнасць і прывесці да значнага матэрыяльнага ўрону, а таксама да чалавечых ахвяр.
