МІНСК, 2 лiс — Sputnik. Навагоднія кірмашы беларускіх тавараў пройдуць сёлета ў Карэліі, паведамілі ў аўторак у амбасадзе рэспублікі ў Расіі.
Мяркуецца, што пераднавагодні кірмаш пройдзе ў Петразаводску. Дамоўленасці пра гэта былі дасягнуты пасля сустрэчы кіраўніка лясгаса Беларусі Міхала Амельяновіча з кіраўніком Карэліі Аляксандрам Худзілайнена.
Бакі не ўдакладнілі, пра якія пэўна навагоднія кірмашы ідзе гаворка, аднак гаворка можа ісці і пра продаж навагодніх елак.
Кіраўнік рэгіёна Расіі падкрэсліў: карэльская прадукцыя таксама паступае на прылаўкі ў рэспубліку — асабліва выгадаваная тут фарэль. Адзначылі бакі і "ажыўленне эканамічных кантактаў": па выніках года могуць быць дасягнуты рэкордныя значэнні 2014-га.
Кірмаш беларускіх тавараў адкрыўся ў цэнтры Новасібірска напачатку кастрычніка і выклiкаў бурнае абмеркаванне сярод сібіракоў: хай многія і крытыкавалі яго візуальнае афармленне, выбар і якасць беларускай прадукцыі выклікаюць дадатныя водгукі. Падобныя імпрэзы праходзяць па ўсёй Расіі рэгулярна.
