МІНСК, 4 ліс — Sputnik. За першыя суткі вялікага распродажу квіткоў, абвешчанага Нацыянальнай авіякампаніяй "Белавія", было прададзена больш за 10 тысяч квіткоў са зніжкай у 50%.
"За першыя суткі было прададзена 10 867 квіткоў. З улікам таго, што ў акцыі ўдзельнічаюць толькі праязныя дакументы "туды-назад", атрымліваецца 21 374 месцы. Гэта каля 23% ад усіх акцыйных квіткоў", — распавялі Sputnik у прэс-службе кампаніі.
За першую хвіліну акцыі было прададзена 6 квіткоў, за 8 хвілін — 168, аднак назваць найбольш папулярныя ў вандроўнікаў кірункі ў кампаніі на дадзены момант не змаглі. Патлумачылі тым, што пакуль ідзе аналіз.
Авіякампанія "Белавія" абвясціла з нагоды Дня грамадзянскай авіяцыі акцыю: 50% ад мінімальнага тарыфу на ўсе свае прамыя рэйсы. Набыць акцыйныя квіткі яшчэ можна на працягу сённяшняга дня.
У рамках акцыі можна будзе набыць квіткі са зніжкай на любы рэйс зімовага раскладу, да 31 сакавіка 2017 года. Праўда, зніжка распаўсюджваецца толькі на мінімальны тарыф, зборы аплачваюцца асобна.
