МІНСК, 4 ліс — Sputnik. Грандыёзны распродаж білетаў, абвешчаны нацыянальнай кампаніяй "Белавія" да Дня грамадзянскай авіяцыі, апынуўся не такім ужо і маштабным.
Заяўленыя скідкі "да канца зімы і на ўсе прамыя рэйсы, акрамя Мінск — Бейрут — Мінск" працуюць толькі для адной катэгорыі квіткоў — тых, што прадаюцца па мінімальных тарыфах. Іншымі словамі, гаворка ідзе не пра ўсёабдымныя зніжкі, а пра зніжэнне коштаў на "мінімальны тарыф", які раскупляюцца ў першую чаргу.
"Колькасць месцаў, якія падпадаюць пад мінімальны тарыф, абмежавана і вылічваецца адмысловай праграмай у залежнасці ад папулярнасці напрамка і загружанасці салона. На розных рэйсах колькасць такіх месцаў можа складаць ад 5 да 20%", — патлумачылі Sputnik у прэс-службе "Белавія".
Танныя квіткі, як правіла, раскупляюцца ў першую чаргу. Таму да пачатку акцыі на шэраг рэйсаў квіткоў, якія маглі б паўдзельнічаць у акцыі, наогул не было. Аднак, як удакладнілі ў прэс-службе, у першыя хвіліны распродажу акцыйныя квіткі, хай у невялікай колькасці, але з'явіліся на ўсіх рэйсах.
"Мы адкрывалі прома-тарыф на ўсе рэйсы. Нават там, дзе напярэдадні мінімальныя тарыфы ўжо не прапаноўваліся", — удакладнілі ў прэс-службе.
Авіякампанія "Белавія" абвясціла з нагоды Дня грамадзянскай авіяцыі двухдзённую акцыю: 50% ад мінімальнага тарыфу на ўсе свае прамыя рэйсы. За першыя суткі распродажы "Белавія" было прададзена больш за 10 тысяч білетаў, што складае каля 23% ад агульнай колькасці акцыйных.
