МІНСК, 9 ліс — Sputnik. Афіцыйныя перамовы прэзідэнта Беларусі Аляксандра Лукашэнкі і прэзідэнта Турцыі Рэджэпа Таіпа Эрдагана адбудуцца 11 лістапада ў Палацы Незалежнасці, паведамілі Sputnik у прэс-службе кіраўніка дзяржавы.
Прэзідэнты абмяркуюць шырокі комплекс пытанняў развіцця міждзяржаўных адносін з акцэнтам на актывізацыю гандлёва-эканамічнага супрацоўніцтва, абмяняюцца поглядамі па праблематыцы рэгіянальнага і міжнароднага парадку дня. Па выніках перамоў чакаецца падпісанне шэрагу двухбаковых дакументаў.
У рамках праграмы афіцыйнага візіту прэзідэнта Турцыі ў Беларусь Аляксандр Лукашэнка і Рэджэп Таіп Эрдаган прымуць удзел у беларуска-турэцкім бізнес-форуме.
Як чакаецца, кіраўнікі дзяржаў таксама возьмуць удзел у цырымоніі адкрыцця Саборнай мячэці ў Мінску. Глядзіце ў фотарэпартажы Sputnik, як мячэць рыхтуецца да прыёму высокіх гасцей >>
