Настаўніцы сарвалі паказ фільма на фестывалі "Лістапад"

© Photo : ЛістападКадр са стужкі "Варатар"
Кадр са стужкі Варатар - Sputnik Беларусь
Падпісацца
Настаўнікі прывялі пяцікласнікаў на фільм пра цяжарных падлеткаў і вельмі абурыліся.

МІНСК, 12 ліс — Sputnik. Паказ фільма "Варатар", які праводзіўся ў рамках Мінскага міжнароднага кінафестывалю "Лістапад", быў сарваны класнымі кіраўнікамі адной з мінскіх школ, паведаміла мінчанка Маргарыта Маторэва ў сацыяльных сетках.

Фестываль "Лістапад" завершыцца ў  суботу. Бельгійскі фільм "Варатар" удзельнічаў у конкурсе фільмаў для дзіцячай і юнацкай аўдыторыі "Лістападзік".

Марозны дзень - Sputnik Беларусь
Выходныя ў Мінску: куды схадзіць 12-13 лістапада

"Сёння адбыўся самы кароткі кінапаказ у маім жыцці — фільм "Варатар" доўжыўся ўсяго 15 хвілін. А ўсё чаму? А ўсё таму, што цудоўныя настаўніцы 5-х класаў не ўмеюць чытаць і зусім не разбіраюцца ў лічбах, таму не змаглі паглыбіцца ў апісанне карціны (яна, дарэчы, аб ранняй цяжарнасці), якое даступна на сайце фестывалю, і разглядзець запаветнае "14+", — напісала глядач.

З-за "праведнага бунту" раз'юшаных педагогаў паказ стужкі прыйшлося перапыніць.

"І не важна, што гэта фестывальная карціна, якую так проста не знойдзеш у інтэрнэце. Ды каго наогул хвалюе гэты фестываль, на самай справе!" — Рытарычна адзначыла яна.

Паказ стужкі "Варатар" праходзіў 11 лістапада ў кінатэатры "Піянер". Пакуль не вядома, ці кампэнсуюць арганізатары конкурсу сарваны паказ і ці прадэманструюць фільм у іншы дзень. Таксама не ясна, наколькі абгрунтаваныя былі прэтэнзіі педагогаў, якія прывялі дзяцей на фільм, які меў абмежаванні па ўзросце.

Стужка навiн
0