МІНСК, 23 ліс —Sputnik. Сітуацыя з захворваннем на грып у Беларусі знаходзіцца пад кантролем і не перавышае звычайных значэнняў, паведаміла журналістам у сераду галоўны эпідэміёлаг рэспублікі Іна Карабан.
Паводле агучанай медыкамі інфармацыі, ужо больш за 3,5 мільёны беларусаў прышчапіліся ад грыпу ў гэтым сезоне. У Міністэрстве аховы здароўя лічаць, што вакцынацыя на ўзроўні хаця б у 40% дапамагае пазбягаць эпідэмій ВРІ.
"Сёння захворванне не перавышае таго ўзроўню, які быў летась", — паведаміла журналістам галоўны эпідэміёлаг.
Тым часам кампанія па вакцынацыі насельніцтва набліжаецца да завяршэння: паводле словаў прадстаўнікоў профільнага ведамства, з актыўнай фазы "сезон прышчэпак" выйдзе ў пачатку снежня.
