МІНСК, 5 сне — Sputnik. Мультфільм "Маана" стаў лідэрам кінапракату па выніках мінулага тыдня, паведамілі Sputnik у сталічным УП "Кінавідэапракат".
"Маана" выйшла на экраны беларускіх кінатэатраў 1 снежня, за першыя дні пракату ў Мінску мультфільм паглядзелі 13,5 тысяч чалавек, якія прынеслі карціне 70,9 тысячы рублёў.
На другім месцы па выніках мінулага тыдня — "Фантастычныя жывёліны і дзе яны жывуць": казку ад Джаан Роўлінг паглядзелі 25,4 тысячы чалавек, якія прынеслі карціне 65,8 тысячы рублёў. Захоўвае пакуль фэнтэзі лідэрства і ў сусветным пракаце: агульныя зборы "Фантастычных жывёлін" ужо перавысілі адзнаку ў 600 мільёнаў долараў.
Другое месца ў айчынным пракаце заняў "Іншы свет: войны крыві" (18,5 тысяч рублёў), трэцяе — у "28 панфилаўцаў" (18 тысяч). Замыкае топ-5 мінскага пракату драма "Землятрус", якая зарабіла толькі каля 15 тысяч рублёў.
