Фота

Крылатыя гусары часоў Стэфана Баторыя прыехалі ў Гродна

Удзельнікі клубаў гістарычнай рэканструкцыі прыехалі ў Гродна на святкаванне дня памяці караля Рэчы Паспалітай Стэфана Баторыя дзякуючы бязвізаваму рэжыму, які дзейнічае з 16 кастрычніка гэтага года.

ГРОДНА, 6 сне — Sputnik, Антон Клімко. У мінулыя выходныя ў Новым замку ў Гродна шпацыравалі крылатыя гусары у цяжкіх даспехах з вялізнымі крыламі за спіной і ваяры ў футравых шапках, упрыгожаных гусінымі пёрамі. У кожнага на сцягне вісела шабля або сякерка.

У Гродна прыехалі каля 50 удзельнікаў польскіх гістарычных клубаў, якія займаюцца рэканструкцыяй касцюмаў і бітваў часоў польскага караля Стэфана Баторыя, і іншыя госці з Польшчы, Чэхіі і Венгрыі.

Так у абласным цэнтры ўспомнілі польскага караля і вялікага князя літоўскага Стэфана Баторыя. Апошнія гады свайго жыцця ён правёў у Гродне і памёр тут 430 гадоў таму ў Старым замку.

Крылатыя гусары і жартоўныя баі

Тэрыторыя абодвух замкаў на два дні акунулася ў сярэдзіну XVI стагоддзя. Удзельнікі клубаў прывезлі з сабой рэканструяваныя касцюмы, упрыгожаныя мяхамі, рыцарскія даспехі і халодную зброю, якая выкарыстоўвалася 400 гадоў таму. У дворыку Новага замка воіны паказалі гледачам бітвы на шаблях, зладзілі і жартоўныя баі з гледачамі.

У нядзелю адбылося ўрачыстае шэсце ад сцен Новага замка да Фарнага касцёла. Тут прайшло набажэнства ў памяць пра польскага караля.

Любімы горад караля

Гродна быў любімым горадам Стэфана Баторыя і лічыўся неафіцыйнай сталіцай Рэчы Паспалітай. Тут кароль зладзіў сваю рэзідэнцыю і, як сцвярджаюць гісторыкі, за час свайго кіравання правёў больш часу, чым у Кракаве. Па загадзе Стэфана Баторыя ў Гродне перабудавалі Стары замак і Фару Вітаўта (храм быў знесены 55 гадоў таму).

Тут жа вялікі кароль і памёр ад прастуды, якую падхапіў падчас палявання. Каб высветліць прычыну смерці караля, у Гродне правялі першае ва Усходняй Еўропе анатамічнае ўскрыццё цела. Цікава, што Баторый завяшчаў пахаваць яго ў Фары Вітаўта. Праўда, саркафаг з астанкамі караля прабыў у гэтым храме ўсяго паўгода. Затым яго перавезлі ў Кракаў у Вавельскі замак.

Арганізатарамі свята выступілі Гродзенскі дзяржаўны гісторыка-археалагічны музей, Саюз палякаў на Беларусі, варшаўская НДА "Гусар" і група гістарычнай рэканструкцыі "Харугва гетмана Станіслава Жалкеўскага".

Дарэчы, большасць замежных гасцей прыехалі ў Гродна, скарыстаўшыся бязвізавым рэжымам, які дзейнічае з 16 кастрычніка.

© Sputnik / Антон КлимкоШляхта часоў Рэчы Паспалітай, як і 430 гадоў таму, прыйшла на малітву. Праўда, зараз Фару Вітаўта, знесеную больш за паўстагоддзя таму, для іх замяніў Фарны Касцёл.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
1/11
Шляхта часоў Рэчы Паспалітай, як і 430 гадоў таму, прыйшла на малітву. Праўда, зараз Фару Вітаўта, знесеную больш за паўстагоддзя таму, для іх замяніў Фарны Касцёл.
© Sputnik / Антон КлимкоГосці ў багатых старадаўніх строях вельмі здзівілі звычайных прыхаджан храма.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
2/11
Госці ў багатых старадаўніх строях вельмі здзівілі звычайных прыхаджан храма.
© Sputnik / Антон КлимкоПольскія госці праехаліся і верхам. Праўда, для гэтага давялося выкарыстоўваць мясцовых коней.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
3/11
Польскія госці праехаліся і верхам. Праўда, для гэтага давялося выкарыстоўваць мясцовых коней.
© Sputnik / Антон КлимкоСамымі яркімі героямі апынуліся крылатыя гусары - гэта элітныя воіны цяжкай коннай артылерыі. Галоўнае іх адрозненне - гэта велізарныя крылы за плячыма. Гэты від цяжкай кавалерыі ўвёў Стэфан Баторый. З часам яны сталі галоўнай ударнай сілай Рэчы Паспалітай.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
4/11
Самымі яркімі героямі апынуліся крылатыя гусары - гэта элітныя воіны цяжкай коннай артылерыі. Галоўнае іх адрозненне - гэта велізарныя крылы за плячыма. Гэты від цяжкай кавалерыі ўвёў Стэфан Баторый. З часам яны сталі галоўнай ударнай сілай Рэчы Паспалітай.
© Sputnik / Антон КлимкоНа свяце прысутнічаў генеральны консул польскага консульства ў Гродне Яраслаў Ксёнжэк.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
5/11
На свяце прысутнічаў генеральны консул польскага консульства ў Гродне Яраслаў Ксёнжэк.
© Sputnik / Антон КлимкоУсю вопратку, галаўныя ўборы, упрыгожванні і зброю ўдзельнікі польскага клуба рабілі па індывідуальнай замове.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
6/11
Усю вопратку, галаўныя ўборы, упрыгожванні і зброю ўдзельнікі польскага клуба рабілі па індывідуальнай замове.
© Sputnik / Антон КлимкоПрыкладна так маглі апранацца прыдворныя Стэфана Баторыя. Старадаўнія ўборы польскай шляхты - дакладная копія адзення сярэдзіны XVI стагоддзя. Цана на некаторыя з іх дасягае некалькіх тысяч долараў.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
7/11
Прыкладна так маглі апранацца прыдворныя Стэфана Баторыя. Старадаўнія ўборы польскай шляхты - дакладная копія адзення сярэдзіны XVI стагоддзя. Цана на некаторыя з іх дасягае некалькіх тысяч долараў.
© Sputnik / Антон КлимкоКрылы элітных воінаў былі бачныя здалёк. Таму ў гусараў адразу з'явіліся дзясяткі прыхільнікаў. Менавіта да іх часцей за ўсё падыходзілі фатаграфавацца.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
8/11
Крылы элітных воінаў былі бачныя здалёк. Таму ў гусараў адразу з'явіліся дзясяткі прыхільнікаў. Менавіта да іх часцей за ўсё падыходзілі фатаграфавацца.
© Sputnik / Антон КлимкоТакія гусары ў свой час наводзілі страх на многія войскі.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
9/11
Такія гусары ў свой час наводзілі страх на многія войскі.
© Sputnik / Антон КлимкоУ такім уборы, які складаецца толькі з натуральных мяхоў і тканін, у сучасную "мяккую" зіму не змерзнеш.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
10/11
У такім уборы, які складаецца толькі з натуральных мяхоў і тканін, у сучасную "мяккую" зіму не змерзнеш.
© Sputnik / Антон КлимкоКаралеўскія воіны прывезлі толькі халодную зброю. Як яе ўжываць, паказалі ўжывую.
Удзельнікі клубаў гістарычнай рэканструкцыі выступілі ў Гродне ў дзень памяці Стэфана Баторыя - Sputnik Беларусь
11/11
Каралеўскія воіны прывезлі толькі халодную зброю. Як яе ўжываць, паказалі ўжывую.
Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі