МІНСК, 6 сне — Sputnik. Святочны навагодні феерверк у Мінску пачнецца а палове на другую ночы 1 студзеня, сказаў журналістам у аўторак намеснік начальніка ўпраўлення аддзела ўстаноў культуры і культурна-асветніцкай работы Мінгарвыканкама Аляксандр Шастакоў.
Агні на сталічных навагодніх елках, у тым ліку на Кастрычніцкай плошчы, запаляць 15 снежня. Асноўныя святкаванне калядаў года пачнуцца за некалькі дзён да 31 снежня і завершацца масавым гуляннем каля Палаца спорту.
Як паведамілі гарадскія чыноўнікі, праграма "З Новым годам, сталіца!" пройдзе каля палаца з 23:00 і працягнецца да чатырох раніцы. Навагодні салют абяцаюць распачаць 1 студзеня ў палову другога ночы.
Усяго ў сталіцы ў гонар Новага года пройдзе больш за сотню мерапрыемстваў.
"Найбольш яркае — тэатралізаванае шэсце Дзядоў Марозаў і Снягурак, у якім прымуць удзел больш за 300 персанажаў", — дадаў чыноўнік.
Шэсце пачнецца 24 снежня ў 17:30 на плошчы Незалежнасці. Запланаваны і шэраг акцый — як для дарослых, так і для зусім маленькіх гасцей і жыхароў сталіцы.
