МІНСК, 6 сне — Sputnik. Істотнае пахаладанне чакаецца ў Беларусі ў ноч на сераду: месцамі тэмпература паветра панізіцца да —17°С, паведаміў Sputnik у аўторак начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Холад прыйдзе ў рэспубліку разам з арктычным паветрам, пры гэтым атмасферны ціск будзе расці. Сіноптыкі папярэджваюць, што на вуліцы будзе слізка.
"У сераду тэмпература істотна панізіцца: ноччу ад —8 да —14°С, у асобных раёнах да —17°С", — сказаў Рабаў.
Ён таксама ўдакладніў, што з чацвярга надвор'е зноў пачне мяняцца: у Беларусь накіруецца больш цёплае паветра з Атлантыкі — пройдзе кароткачасовы снег, а днём тэмпература складзе 0.. +6°С.
Посмотрите, что прогнозирует наша WRF: к 21 ч нахлобучит морозами —15..-18 восток РБ (А), а к утру морозы усилятся — за —20 по югу и востоку pic.twitter.com/rOT7zTGPtL
— Блізкі космас (@nadvorie) 6 декабря 2016 г.
У пятніцу пацяпленне працягнецца: на большай частцы тэрыторыі рэспублікі чакаецца дождж і парывісты вецер, уначы тэрмометры пакажуць 0..+5°С, днём +1..+7°С.
