МІНСК, 16 сне — Sputnik. Кошт праезду на гарадскім і прыгарадным грамадскім транспарце падаражэў у Мінскай вобласці, адпаведныя рашэнні аблвыканкама апублікаваныя ў пятніцу.
Мінулыя тарыфы на праезд у грамадскім гарадскім і прыгарадным транспарце Міншчыны ўсталёўваліся ў сярэдзіне снежня мінулага года. У параўнанні з тымі цэнамі, кошт праезду вырас на пяць капеек.
Так, па рашэнні Мінаблвыканкама, кошт праезду складзе:
- на звычайных і хуткасных маршрутах — 45 капеек,
- на экспрэсных — 55 капеек.
Падвысілі і кошт правозу ручной паклажы — ён складзе 45 капеек. Пры куплі білетаў у кіроўцы яны будуць даражэй яшчэ на пяць капеек.
Вырас у цане і праезд у прыгарадным аўтамабільным транспарце:
- кошт кіламетру на звычайных маршрутах складзе 0,06 беларускага рубля,
- на хуткасных маршрутах — 0,08,
- на дадатковых рэйсах — 0,08,
- на экспрэсных маршрутах — 0,09 беларускага рубля.
Новыя цэны на праезд пачынаюць дзейнічаць у гарадах Мінскай вобласці ўжо ў гэтую пятніцу.
Як паведамляў Sputnik напярэдадні, неўзабаве падаражэе і праезд у грамадскім транспарце Мінска — таксама на пяць капеек. Чакаецца, што даражэй стануць квіткі і ў астатніх рэгіёнах Беларусі.
